7 Chamankachu, molenchï kegh kakirwakwa kirurut nyo rel, wölo nyaye pö könyisyok, nyanye kyopöghisyekwa kïngeta otini le tagh. Kirurutyononi pö könyisyok kï ngalechaye kyalïmenechakwa.
Metökisyö anta ipö kegh sikong nko piköku, wölo chama pöröryengu le wölo ichömtonyi kegh nyinte. Ochan ECHOTYON.
Lenye ton nyo möngöy nko akwa chitönkwa acham nyinte le akwane kegh, ompöwölo kyochikwa tïkwïl to ompö koro Misri. Ochan ECHOTYON Tororötïnkwa.
“Kyalïmakwa kemwa lö, ‘Chama pöröryengu airey punyontengu.’
Okonokwa kirurut nyo rel lö, achama kegh kïle wölini kyachamtakwa acham kegh akwane.
Kïlenyona kïkur Paulö kungwïn kokwo Areopako akïlenchï, “Kïmökecha kenkïtune kinetutyonï rel inetenyi pich.
Achama ECHOTYON Tororötïngwo ompö mïkuliskökwo kïmïkul nko ompö söponwekwo kïmïkul nko ompö owesyengwo kïmïkul.
Wölo kïrkegh kakïmwaghacha lenyoni chamankacho, ketïngetecha kikönöt nyo wow ompö akwa. Kinkïtöcha lö kyosïkökwa kisoyönöt nyo karam tya nyo pö sörunötengwo.
Mïchinokwa otönö mïkuliskökwo ngalechoni kyalïmakwa kïngeta otini le tagh. Ato töpï ngalechoni kyalïmakwa orinkwa, kï ochikwa linyote nko Weri nko Papo tïkwïl.
Anyï ngölyontonay kyalïmakwa kïngeta otini le tagh lö, mïchini kechomnyenö achane,
Chamankachu, kïchicha ye monïngo Tororöt, wölo tömönye kengongwï lasiny lö kïnenöchitucha. Wölo kinkïtöcha lö ato kïngongwï Kristo,* kekörecha kegh nko nyinte, ompöwölo kïsïwïyecha nyinte le wölo lata.
Kïlenyona chamankachu, ato merwokwechanye choghïnto mïkulisköcha, ketïngetecha nyakanat ompö tawu Tororöt.
Mwoghöy ompö kirurutkachi lö mïchinecha keghana Yeso Kristo Wero Tororöt, akechomnyö achane le wölo kimwowecha nyinte.
Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.
Chamankachu, kïkany kïlenyoni wölo kichamtecha Tororöt kurokonecha tïkwïl kechomnyenö achane.
Kïlenyona anyï kirurut nyo kikonecha Kristo: anka tïkwïl nyo chömöy Tororöt kïmïchini kïcham tupchenyi tïkwïl.
Chamankachu kechama kegh, ompöwölo ngwïno chomnyogh wölo mi Tororöt. Anka tïkwïl nyo tïng chomnyogh kï mompö Tororöt akunkït Tororöt.