1 YOANA 1:9 - PIPÏLIA

⁹ Wölo ato kïngangacha akelasta ngokicho, ghanate Tororöt akwighöy man. Löstewecha nyinte ngokicho akïmwatecha ompö ghöyityenyo anka tïkwïl.

1 YOANA 1:9 ပူးပေါင်းရင်းမြစ်များ

1 PÖYTOGHÏ 8:30

Iterwante sowutkachu nko cho pö piköku otini soghinyi chane akïmi kïtopönöy yeteyi. Iter ompö yïm wölini imöngenyi, ailöstoghchï piköku.

1 PÖYTOGHÏ 8:47

iterchï piköku sowutkökwa. Atokötö chane ngokikwa ompö korononi, akïsaghinyi, akïnganyta ngokikwa nko ghöyityengwa, iterchï chane sowutkökwa, we ECHOTYON.

NEEMIA 1:6

Iterwante airosanïn otini osoghan pöghet nko nangat ompö mötworiku pipö Israel. Okötenan ngoki pipö Israel cho kiwunyi. Kyaghan ngokï tïkwïl nko papotïnechan.

TUMWÖY 19:12

Ngo nyo muköy ntökïsïwa lelutkachi? Sörunenante ngokï cho wïngote, we ECHOTYON!

TUMWÖY 32:5

Kyongongunyi ngokichan amelö kyawïngan ghöyityenyan. Kyasïwan lö, mïchini ongongunyi lelutköchan, ichamanyi löstoghwanïn ngokichan.

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

NGÖTÏNYÖ 28:13

Mönyorunye perur chi nyo wïngöy lelutkachi, wölo nyoru kisyonöt nyinte nyo ngongtoy akïpïstö.

ISAYA 45:21

Opunö nyu ngalekwo ka kirwok, atat wölo omwowuntoy ngale. Ngo nyini kingor könyisyok tïkwïn cho itu? Ngo nyini kimwa ngalechoni tagh nya? Maninye so, ECHOTYON Tororöt nyo osöru pikachu? Möminye Tororöt anka kïpoto ani.

YEREMIA 3:13

Wölo chamanyi lö kyalel, akipörchinyi patagh ECHOTYON Tororötïngu, aicham lö, ompö ket anka tïkwïl nyo nyörilöch sökö, kitötenyi kegh icham tororötin walaka, aicham tïkwïl lö kimeterwanïnyinye. Mwoghöy ECHOTYON.

YEREMIA 33:8

Otïlilan chane ompö ngokikwa löwïr, alöstoghchan ngokikwa nko penyatengwa.

LOK 3:23

Ompöwölo ighöy nyinte tïkuchoni kïpichöghöchitu ompö tökwoghö anka tïkwïl Tororöt nyinte nyo muköy pich kumanta kegh nyinte nyoman.

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

ESEKEL 37:23

Melö tökusïmnyono kegh körkeyïntinekwa kokay nko tïkukwa cho ghach anta lelutkökwa walaka tïkwïl. Osörunenan chane ngokikwa löwïr cho kigh, otïlilan chane takïlïkwï nyu piköchan, alïkwan Tororötïngwa.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

MATAYO 3:6

Kïnganyta chane ngokikwa, kupatisan Yoana chane ompö lalwa Yordan.

MARKO 1:5

Kïghamïtuna kegh pich koro Yudea nko kanasyanta Yerusalem kïmïkul kïpa kïter ngala Yoana. Kïnganyta chane ngokikwa, kupatisan Yoana chane ompö lalwa Yordan.

LUKA 22:57

Wölo kïtiyö Petro lö, “Ewo, kokonï monkïtönye nyinte.”

YOANA 17:25

Paponyu nyo chï tenate! Menkïtinyinye ngwïnya, wölo onkïtinyi akunkïtinyi pïchï, lö nyi nyo kiyokwanïn.

IGHISYEWUT 19:18

Kïpka pich cho chang cho kighan akïnganyta ompö tawu pich pöghisyewutkökwa cho ghach.

RUMI 3:26

Wölo ye, ompö osiswechete, rwokini Tororöt ngoki ptangengmöt atokïrumï lö pö man nyinte akuyityini man chi anka tïkwïl nyo ghönöy Yeso.

1 KORINTO 1:9

Ghanate Tororöt nyinte nyo kikurokwa oghömenö nko Werïnyi, Echotyontenyo Yeso Kristo.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

1 TIMOTEO 1:15

Pö man ngölyontonï akïmïchini kecham lasiny, lö kingwïn Kristo Yeso ngwïny atökïsörï mwokïyis akwani mwokïyonte nyo gha tya kïtïl pïchoni löwïr.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 11:11

Kigh kighanata Sara nyo kile sonö kïsïkisyö, kïrkegh kikiyosit kighan Sara lö puntoy Tororöt kiyomisutkachi.

EPRANIA 6:10

Pö man Tororöt nyo möwutyeghonye ighisyenkwa nyo pö chomnyogh nyo kyaghakwa ompö kaynenyi, ompö kingarakat nyo kyoghchikwa pipö Kristo akïtomitenökwa oghchine chane.

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!