1 YOANA 1:7 - PIPÏLIA

⁷ Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

1 YOANA 1:7 ပူးပေါင်းရင်းမြစ်များ

TUMWÖY 104:2

ilokyinenyi kegh löpoyïn le sïra, aighïtenyi yïm le sïra nyo wow

TUMWÖY 51:2

Iwunante lasiny ompö ghöyityenyan aitïlilante ompö ngokichan.

TUMWÖY 56:13

Ompöwölo kesörwaninyi achïwïta meghat airipaninyi tömachitan. Nka nyï owesteghonan tawungu Tororöt, ompö löpoyïn pö söpon. Ompö kintöghoghinto tumï. Kïrïp kegh nko tum pö “Menyar.” Tum pö Daudi otini kirïpö wölo mi Saulö ompö köpön.

TUMWÖY 89:15

Soyönote pich cho teghyot ompö ngörekyö, we ECHOTYON, chane cho pestoy ompö löpoyïn pö kisyonötengu!

TUMWÖY 97:11

Lïwchini löpoyïn pipö man ngörechot pich cho tenote.

ISAYA 2:5

Apkana nyu pipö ara Yakopo, apkana kepeghena löpoyïn pö ECHOTYON!

ISAYA 33:24

Melö tökelïmöy chi ngat nyo ngölon kichïr ompö korencha, akelöstoghchini pich löwïr ngokï.

ISAYA 6:7

Kïswanga kutinyan ngösötonay akïlö, “Kaswany ngösötonï kutingu, kakechengeninyi ye ghöyityengu akelöstowunyi ngokiku.”

AMOS 3:3

Rutoy so pich odeny ameyomis kegh?

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

MATAYO 6:12

Löstewecha lelutköcho cho kakïlel, le wölo kïlöstoghchinecha pich cho lelwecha.

YOANA 1:29

Kisïwa Yoana Yeso asista nyo kirïpöy kungwïnöy wölini kimi nyinte, kïmwochï pich lö, “Anyï Wawa Kecha Tororöt nyo ipöy ngokï ngwïny!

YOANA 12:35

Kïlenchï Yeso, “Tökïmi kwenunkwa löpoyïn ompö osis cho ngörï. Apestena otini totïngetenö löpoyïnoni atömelumak tuwïn, ompöwölo menkïtnye chi nyo westegho tuwïn wölo töngöy.

YOANA 5:4

ompöwölo kiröku malaykayan asistanka akwigh ngarpïlun kïwïch pögh. Tö ato lït chi nyo pö tagh pöghechoni otini kawïch, kesopö nyinte sömew anka tïkwïl nyo kötïng.]

RUMI 13:12

Kamach kuwonyö oghö, akarich kïyech. Kelastena nyu ighisyewut pö tuwïn akelach kari lïk cho pö löpoyïn.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

EPESO 1:7

Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

1 TIMOTEO 6:16

Nyinte onkït nyo söpöy kokay, akï töpuno wölo mi löpoyïn nyo memukönye chi tökïrich. Möminye chi nyonikïny nyo kikïsïwa nyinte anta nyo muköy kïsïwa nyinte. Nya lïkwï nyenyi konyït nko paytagh nyo pö kokay! Amen.*

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

EPRANIA 9:14

Wowitu nyu tya tïlilyö nyo kïsïkonecha kisön pö Kristo! Nyinte nyini kikonï kegh kïlïkwï amöros nyo lïpop ompö tawu Tororöt ompö ara Mïkulögh nyo Tïlil nyo pö kokay. Wunöy kisönkachi sïkunöteto mïkulisköcha kïngetunö ighisyewut cho puryö kinyiwut atökemuka kepöghisyechinö Tororöt nyo söpöy.

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

1 PETRO 1:19

wölo ompö kisön pö Kristo cho pö olyot nyo wow. Ki karkegh nyinte nko wawa kech nyo lïpop akutenate.

1 YOANA 1:3

Kïmicha kemwowokwa kïgh anka tïkwïl nyo kikïsïwecha akelïm, atamuka oghömenö nko acha ompö ghömïchö nyo kïtïngetecha nko Tororöt Papo nko Werïnyi Yeso Kristo.*

1 YOANA 1:5

Ngölyon nyo kikïlïmecha Yeso wero Tororöt akï nyo, kïmitecha kemwowokwa kï nyï: Tororöt kï löpoyïn, akï möminye tuwïn orinyi nyonikïny.

1 YOANA 5:6

Nyinte Yeso Kristo nyo kingwïn ompö pögh cho pö kipatisanatenyi nko kisön cho pö meghenyi. Melö kingwïn ompö pögh onkït, wölo ompö pögh nko kisön. Akïsöwintön Mïkulögh lö lenye nyoni, ompöwölo pö man Mïkulögh.

1 YOANA 5:8

Mïkulögh nko pögh nko kisön akï söwintönchini kïsömök kïgh akonga.

2 YOANA 1:4

Kyangarakan kïtya otini kyonyorwan moneku walaka kïrïpöy ara man, le wölo kimwowecha Papo!

3 YOANA 1:4

Möminye kïgh nyo konanïn ngörekyö nyo wow kïsir alïman lö tïpisot monechan ompö man.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.