4 Kakikirwokwa ngalechï atökumï kïyetï ngörekyencha lasiny.
Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.
“Komwowokwa ngalechoni atökïtöpö ngörekyenyan orinkwa atökwitïta ngörekyenkwa.
Tomönye osomökwa kïgh ompö kaynenyan nko nyete le ye, osomö atosïkö atökwitïta ngörekyenkwa.
Pö mïrar chito kensyö, akï ngörököy nyoman kongeto chichoni pö kensyö ato ghyongö atoni akïter kutinyi. Lenye nyoni tïkwïl wölo kanyïghï ngörekyenyan kïlïkwï.
Melö kïmökecha kepöghisyeghone charut ompö kighanatenkwa, kinkïtöcha lö, ochikwa chïchïmote ompö kighanatengwo, wölo kïmöchecha keghe ighisyö nko akwa ato ngörekyenökwa.
Ankïtï chomnyo Kristo nyo molu chïreryö anka tïkwïl, akenyïghitak kipuntowut pö Tororöt löwïr kuwachta.
Kakirwakwa ngalechï monechu kïle nyo wow ompö akwa, atömagh ngokï. Wölo ato igh chi ngokï, ketïngetecha kingörokin nyo ighöy man, Yeso Kristo* nyo ipöy soghutköcha wölo mi Papo.
Otïngetan ngal cho chang cho kötomwowokwa, wölo mochömanye omwoghe ompö palalyantanï, wölo okönan lö orutoghwokwa atangwïn angalan nko akwa kesïwïyi kegh, atökengörekyenö lasiny.
