1 TIMOTEO 4:2 - PIPÏLIA

² Kinetut cho lata choni chay ipsötoy pich cho le lïsï, cho kimeytoy choghïntinekwa kïlentöy chi kikïpela karïn nyo nöghöy lakat.

1 TIMOTEO 4:2 ပူးပေါင်းရင်းမြစ်များ

1 PÖYTOGHÏ 13:18

Kïlenchï werkyontonay pö Petel nyinte, “Ochan tïkwïl werkyon le nyi, kömwowanïn malaykayanta ECHOTYON lö, wïyö mïtuna nyi kïmïla aitö omisyö.” Wölo ki putin werkoyontononi le poyon.

1 PÖYTOGHÏ 22:22

Kïtep ECHOTYON lö, ‘Ompö or ne?’ Kuyokyï lö, ‘Owetan olïsöy werkoy pö Aap löwïr atökïmïr putintön.’ Kïlenchï ECHOTYON, ‘Nya kïlenyoni, kasïwan nyoman lö imukenyi.’ ”

ISAYA 9:15

Lïku poyï nko pich cho konyïtote mötöwe, kïlïkwï töronkwöyi werkoy cho netöy pich putintön!

YEREMIA 23:14

Wölo kasïwan werkoy pö Yerusalem kwighöy cho ghach tya. Kegh cheporsnan akïmïr putintön, rompöröy chelölos, tömökïmi chi nyo töghöy kwighöy ngokï. Ghach pïchoni löwïr ompö konyichan, karkegh nko pipö Sodoma nko Komora.

YEREMIA 23:26

Mïröy putintönengwa akïmwoghöy lïs nyo kinyïghï mïkuliskökwa akwigh piköchan kupotyö nko oyï nya wey?

YEREMIA 23:32

Osïwïyekwa! Kataghan ante ECHOTYON werkoychoni pkonöy kïmwowokwa kirwotïtoghtinekwa cho pö putintön akwigh piköchan kupotyö. Melö kyoyokwan, amomwochanye chane kïgh. Kïlenyona, melö pö chane tösunöt ompö pich nyonikïny.” Mwoghöy ECHOTYON.

YEREMIA 5:21

Atera köny akwa cho ochï sölwöy, amonkït kïgh, otïngökwa konyïn amörosïtoy, otïngökwa yitïn amolïmöy kïgh!

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

IGHISYEWUT 20:30

Itu osiswö cho ngetöy pikökwa cho omitö tïkwïl kïmïröy putintön atökumït kighönï kïrïp chane.

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.

RUMI 16:18

ompöwölo möpöghisyechinicha pich cho lata choni Kristo Echotyontenyo wölo pöghisyechini mutïnekwa. Lïsöy chane pich cho tomöcha kïnagh ortïn cho ghach ompö kïnkïno ngalekwa cho onyïn.

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

EPESO 4:19

Melö tökï sïwïyi chane arasï nyonikïny. Kicham chane kïpa ara kipotöt, akwigh kïgh anka tïkwïl nyo pö arasï kïsamta.

2 TIMOTEO 3:5

Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.

NGONGUT 16:14

Mïkulis pö oy chane cho ighöy töngönchin. Petöy mïkulischoni kïsömök wölo mi pöytoghi ngwïny kïmïkul atökutuyö chane löwïr ompö poryot ompö Asis nyo wow nyo pö Kimuktoghin Tororöt.