1 TESALONIKE 3:3 - PIPÏLIA

³ atömanyakorit chi anka tïkwïl ompö kwenunkwa ompö nyörilwokchete. Onkïtökwa akwane lö machata Tororöt nyörilwokchoni ompö acha.

1 TESALONIKE 3:3 ပူးပေါင်းရင်းမြစ်များ

AYUPU 23:14

Ompöwölo puntoy nyinte kïgh nyo kötötwanïn akïmito kinonutkachi tïkwïn cho chang cho lata choni.

TUMWÖY 112:6

Mökïrïntonye chi nyo tenate, kinonöy nyinte kokay.

LUKA 21:12

Wölo kïtömö kwighisyö ngalechoni kïnömokwa akechopokwa kong. Atolapay ketötokwa tökerwokwok ompö kori sowut aketorchok chela. Kimïtinokwa tawu pöytoghï nko yetïntin akwompö kaynenyan.

YOANA 16:2

Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

IGHISYEWUT 2:25

Ompöwölo mwoghöy Daudi kïparta nyinte lö, ‘Kyasïwan Echotyon ompö tawunyan osis löwïr, mi nyinte nko ani, tömamanïn kïgh.

IGHISYEWUT 21:11

Nyini kitï wölini kikïmïtecha, kïcheng angwa Paulö nyo kiröto mu, kïrata kelyechi nko morichi akïlö, “Mwoghöy Mïkulögh nyo Tïlil lö, ‘Rötöy pipö Yaudi chichï pö angwanï pö mu le nyete ompö Yerusalem, akwonkoghchï pipö punton.’ ”

IGHISYEWUT 21:13

Wölo kuyokwï lö, “Oghekwa ne, toloksone le nyï, arïnganïn mïkulögh? Omitan kïpsach, melö pat keratanïn ompö Yerusalem, wölo ameghan ompö Echotyon Yeso.”

IGHISYEWUT 9:16

Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”

RUMI 5:3

Kïngörokyinecha tïkwïl kömpölelutköcho ompöwölo kinkïtöcha lö, ipu kömpölelyö mïkukönöt,

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

1 KORINTO 4:9

Olentan keghecha Tororöt chï kïchï kiyoktoghï kelïkuna cho pö löt, le pich cho kikerwokyï ketïgh akeghech kelïkuna pich cho topönöy ngwïny kïmïkul nko malayken nko pich.

EPESO 3:13

Osomokwa ye nyu lö, makany kïmeghyok mutïnö ompö kiwongunöt nyo otïngetan ompö akwa, ompöwölo pö nyoni ororyenkwa.

PILIPI 1:28

Mawagh nyu punkökwo, wölo onyökönitunö kïtenö osis atökïlïkwï nyoni machey nyo poru lö orïntonekwa chane, ompöwölo Tororöt nyo konokwa rïntaghat.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

1 TESALONIKE 5:9

Ompöwölo melö kikïlecha Tororöt atökewongunenö nörekyenyi, wölo kikïlecha atöketaka sörunöt ompö ara Echotyontenyo Yeso Kristo,*

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

2 TIMOTEO 1:8

Kïlenyona melalïyan isöwintönchï Echotyontenyo, amelalïyan ompö ani nyo kikïtorchon chela ompö parakunyi. Wölo chengchinö kegh kareran nyo pö kiwongunöt ompö amtagh pö Lökoy cho Karamach, kïle wölini koninyi Tororöt owesyö.

1 PETRO 2:21

Nka nyoni kini kikurchokwa Tororöt, ompöwölo kiwongwï Kristo ompö parakunkwa akïpïswokwa körkeyïn tarïpa kelyechi.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.