1 TESALONIKE 2:3 - PIPÏLIA

³ Atanye kikïmitecha kemwowokwa Lökoyechoni Karamach, kïmelö kikïpöghisyeghecha putintön anta sïmnyontön amelö kikimukyicha kelïs chi nyonikïny.

1 TESALONIKE 2:3 ပူးပေါင်းရင်းမြစ်များ

KIYITUT 16:15

Kïnarek Musa akïlenchï ECHOTYON, “Mecham ropöwo pïchï. Möminye kïgh nyo gha nyo koghchan chane, amöminye ompö sïkïryö akong nyo kachengan chane.”

IGHISYEWUT 13:15

Kïkany kewany kisomön Kirurut pö Musa nko kikirut pö werkoy, kuyoktö wowïntino kö pö saghat pich kïpa wölo mi chane kïlenchï, “Tupchenicho, ato otïng ngölyon anka tïkwïl nyo muköy kukilöy pich amwagh.”

IGHISYEWUT 4:36

Kïnget Yosep nyo kikurö kiyoktoghï Parnapa (nyo ato kïwaghach kï, “Chi nyo kilöy pich”), ki chi pö Lawi nyinte, nyo kingwïna Kupro.

2 KORINTO 11:13

Ompöwölo chane kï kiyoktoghi putintön. Ighöy kegh chane lö kïchï kiyoktoghi Kristo.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 4:5

Melö kyomtocha kegh achane, wölo kyomtocha Yeso Kristo nyo le Echotyon, kïchicha achane mötworikwa ompö Yeso.

2 KORINTO 6:8

Kïmitecha kïpsach kekonyïtech anta kïkonech arasï. Kïsalecha akechïpecha. Kïlatecha lïsï akwanyï kïngölonecha ngala man.

2 KORINTO 7:2

Kïsoghecha akwa lö okonecha pöroyïn ompö mïkulöwekwa! Tomönye kelelchinöcha chi anka tïkwïl akïtomönye keghchinöcha chi anka tïkwïl kïgh nyo gha anta kïlïs.

1 TESALONIKE 2:11

Onkïtökwa lö kikighchicha chi anka tïkwïl ompö kwenunkwa le wölo köteghchini papo monechi kegh.

1 TESALONIKE 4:7

Melö kikurchecha Tororöt otöp nyo pö cheporesnan, wölo kikurchecha tïlilyö.

2 TESALONIKE 2:11

Nka nyoni ketö Tororöt oringwa owesyo kipotöt atökughan chane putintön

2 PETRO 1:16

Melö kikïrïpacha kikorön cho kitam pich atanye kikïmitecha kemwowokwa paraku owesyö nko kingwïnata Echotyontenyo Yeso Kristo. Kikïsïweghecha achane konyicho ororyenyi.

1 SAMWEL 12:3

Mwagha ye nyu chi ompö ECHOTYON nko ompö pöytoghin nyo kakïl nyinte. Ngo nyo kyachengan edanyi anta sïkïryenyi? Anta ngo nyo kyalïsan anta opïrön? Anta ngo nyo kikonanïn asoya atökïkarta konyichan? Mwowunö ye atoyokun.”