1 TESALONIKE 1:3 - PIPÏLIA

³ Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

1 TESALONIKE 1:3 ပူးပေါင်းရင်းမြစ်များ

TOWUNÖT 29:20

Kïlenyona, kïpöghisyechï Yakopo Lapan könyis mut nko odeny ompö Rael, wölo kilata könyiswechoni osis cho ngörï ompö nyinte ompö chomnyogh nyo kitïng nyinte ompö Rael.

OMTOGHIN 2:26

Ompöwölo nyinte nyo töni ngöghomnyö nko kinkïtöt nko ngörekyö pich cho ighöy Tororöt kïturön, wölo töni mwokïyis ighisyö nyo kïghömïtöy aketïkum ato wanta kegh, kutö tïkuchoni pich cho ighöy Tororöt kïturön. Kwïlenyoni tïkwïl akïlenye ato kïyonöy yomat.

TUM PÖ TUMWÖY 8:7

Mönuköcha pögh cho chang mapa chomnyogh, akïmemuköcha puser kuchutöy. Ntöketöto chi sïkönötenyi ompö chomnyogh, kötökïroröchini nyinte kïmolï.

YOANA 14:15

“Akwato achamanïkwa, orïpekwa kirurutköchan.

YOANA 15:10

Ato arïpakwa kirurutköchan otïpïyonekwa nyu chomnyenyan ori, kïle wölo kyarïptan kirurutko Paponyu atöpö orito chomnyenyi.

IGHISYEWUT 10:31

akïlö, ‘Kornelio! Kakilïm Tororöt saghatengu, akakunan pöghisyewutköku cho pö kisyonöt.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

RUMI 12:12

Akanya kïkonok kikönötengwo ngörekyö kïnomnyö, amïkukön ompö nyörilwok, akil kegh kïnomnyö ompö saghat.

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

RUMI 16:26

wölo kikengongwï ye kuwerï Kikirut pö werkoy. Akwompö kuti Tororöt nyo satate kokay, keporchï pipö punton löwïr ngalechoni pö man atökumï chane tïkwïl kughan nyinte akïrïp ngalechi.

RUMI 16:6

Otokweswante Marya nyo sïngöy nyoman kïpöghisyewokwa.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

1 KORINTO 13:13

Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

KALATIA 1:4

Kikonï kegh Kristo nyinte ompö ngokicha kïrïp kegh nko machata Paponyo Tororöt, atökutyakenech ngwïnyinï gha pö ye.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

KALATIA 6:9

Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

1 TESALONIKE 3:6

Wölo otï le ye kamïlegha Timoteo wöloni akwipkecha nyinte lökoy cho kighecha kengörökyenö cho pö paraku kighanatenkwa nko chomnyenkwa. Kömwowecha nyinte lö omitekwa ononecha kïnomnyö, akïmwowecha lö, kyamakwa emö ompö acha lenyini kyamecha emö ompö akwa.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

2 TESALONIKE 1:3

Mïchinecha, tupchenicho keyokyine Tororöt sörö kïtenö osis ompö akwa rokonecha kegha lenyoni, ompöwölo mi kighanatenkwa kïyetu nyoman akïmi chomnyenkwa kïtöso ompö pikö walaka.

1 TIMOTEO 1:14

Kuyinwanïn Echotyontenyo pöropchenyi nyo puryö söröm akïkonanïn kighanat nko chomnyogh cho mi Kristo Yeso.

1 TIMOTEO 2:3

Karam ato aghakwa lenyoni akï chömunote ompö tawu Tororöt Ghetintenyo,

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

EPRANIA 11:17

Kigh kighanata Apraam kutötö werïnyi Isak kïlïkwï amöros, otini kimököy Tororöt kïtyömöy nyinte. Ki chichoni le Apraam nyoni kitö Tororöt kiyomisöt, wölo kïrkegh kïlenyoni, kicham kutötö werïnyi nyo le akonga onkït kïlïkwï amöros,

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*

EPRANIA 4:11

Kekilö nyu kegh kelïtö kimungötononi atömötöp ntökïchïnta chi nyonikïny ompö akwa nyo pïstoy kimungötononi le wölo kitagh pïchoni ompöwölo kimötïngcha kighanat.

EPRANIA 6:15

Kïmïkukön Apraam ato mi söröm kïnyorï kïyoni kiyomisyï Tororöt.

1 PETRO 3:4

Wölo nya kïpöyit pïchighyenkwa nyo pö ori, pïchighyö nyo möwïrönye nyo pö mïkulögh nyo talase akï nyo pö kalya akï nyo pö olyot nyo wow ompö tawu Tororöt.

1 YOANA 3:18

Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.

1 YOANA 3:21

Kïlenyona chamankachu, ato merwokwechanye choghïnto mïkulisköcha, ketïngetecha nyakanat ompö tawu Tororöt.

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.

1 YOANA 5:3

Ompöwölo otini kïrïpecha kirurutkachi kuporu kïchömecha Tororöt. Amelö oghïghe kirurutkachi ompö acha kerïpa,

NGONGUT 2:19

“ ‘Onkïtön ighisyewutköku nko chomnyengu nko kighanatengu nko pöghisyengu nko mïkukönötengu. Okïtön lö imitenyi inoghyot kitïl panto tagh.

NGONGUT 3:10

Akwompöwölo keripönyi ngölyontenyan aimïkukön, oripinyi nyu tïkwïl ompö asispa työmut nyo ityini pipö ngwïny kïmïkul atöketyam chane löwïr.