1 SAMWEL 8:5 - PIPÏLIA

⁵ akïlenchï, “Kiyositunyi, akwanyï mörïpöcha werköku körkeyïntöngu. Kïmökecha pöytoghin le puntonichï walaka.”

1 SAMWEL 8:5 ပူးပေါင်းရင်းမြစ်များ

KIYITUT 23:9

Osïwïyan nyinte ompö kutïngkot kimi to, otopönteghonan chane komos. Pich cho mi opïn, amelö kiyïtïtoy punton walaka!

IGHISYEWUT 13:21

Otini kïtep chane Samwel lö kïyöröy pöytoghin, kutö Tororöt chane Saulö, wero Kis nyo kipö ara Penchamen, kïlïkwï pöytoghintengwa ompö könyis tömönut angwan.

KIRWOKÏ 8:22

Kïlenchï pipö Israel Kidyon, “Lïkuna pöytoghintencha nko werïngu nko moneko werïngu tïkwïl, ompöwölo kesörwechanyi kepkanena mori pipö Midyan.”

1 SAMWEL 10:19

Wölo kataghakwa ye Tororötïnkwa nyo sörwokwa ompö nyörilwok nko ompö kömpölelutkökwo löwïr alekwa, kïmököy pöytoghin. Apkana nyu löwïr wölo mi ECHOTYON kïrïp kegh nko ortïnekwo nko kaporkökwo.”

1 SAMWEL 12:13

“Anyï ye nyu pöytoghin nyo kyakïlwakwa, nyay kyatepakwa, konokwa ECHOTYON pöytoghintenkwa ECHOTYON.

1 SAMWEL 12:17

Olentan osiswo pekat chete nya? Wölo osoghan ECHOTYON kïkonï tïlöt nko rop, atonkïtunökwa lö echön ngokï cho kyoghchikwa ECHOTYON, otini kyatepakwa nyinte lö kïmököy pöytoghin.”

1 SAMWEL 12:2

Otïngetekwa ye nyu pöytoghin nyo mi nko akwa, kayositwan nyo le ani, akï mi werköchan nko akwa. Kyopöghisyewokwa kïngata mïnïngityenyan nko ye.

1 SAMWEL 9:20

Menonchï sïkïröyiku chay kepotyö osis sömök cho kikuwer, ompöwölo kikïrumï. Ngo nyo mököy pipö Israel tya? Kïpoto nyi nko koto papongu?”