1 SAMWEL 7:10 - PIPÏLIA

¹⁰ Otini kimi Samwel kutötoy amörosnay, kïrikwï pipö Pilisti atökïporyeghö pipö Israel, wölo kuteghchï ECHOTYON pipö Pilisti ompö tïlöt nyo wow, nyo kigh chane asisoni kïkwongkwongisyö. Kirïnta pipö Israel chane.

1 SAMWEL 7:10 ပူးပေါင်းရင်းမြစ်များ

TUMWÖY 18:15

Kïrumï ngwïnya nyo pö nanam kengany kitoröto ngwïny, otini kisyalanyi, we ECHOTYON, otini kitorunö kimungöt sörunöyichi.

TUMWÖY 29:3

Mi kuti ECHOTYON nanamtin, tïlöy Tororöt pö ororyö, akelïmo nanamtin cho echön.

TUMWÖY 29:4

Awes kuti ECHOTYON, wow kuti ECHOTYON.

TUMWÖY 78:66

Kïporyeghö pungkachi akïyon akutö arasï nyo pö kokay.

SAKARIA 4:6

Kimwowanïn malaykayan lö, “Ipchinö Serupapel ngölyonto ECHOTYON nyo lentöy Irïntonenyi kïgh anka tïkwïl amelö ompö owesyo lïk anta owesyengu kegh wölo ompö owesyo mïkulöwunyan. Kamwa ECHOTYON Kimuktoghin.

KINONO KIRURUT 28:7

“Rïntowekwa ECHOTYON punkökwo ato ka kïporyeghenokwa. Pokyinokwa ompö wop akonga, wölo ghyögho wölo omikwa ompö woptin löwïr.

YOSWÖ 10:10

Kikwangkwang ECHOTYON chane ompö tawu pipö Israel. Kïpar pipö Israel chane ompö pörsyö nyo wow ompö Kipyon akïyon kïpusta ara Pet Oron akïparata ntökwitïta Aseka nko Makeda.

KIRWOKÏ 4:15

Otini kitor Parak kïporyö, kïkwanykwany ECHOTYON Sisera nko nkarinechi löwïr nko piko lïkenyi kïmïkul ompö ngwonïn pö poryot. Kïrokunö Sisera nkarinyi akurïpö kel.

KIRWOKÏ 5:20

Kingarak kokel tïkwïl ompö yïm, kïporyeghö Sisera otini kiweröy mïröt.

KIRWOKÏ 5:8

Otini kikïl Israel tororötin walaka, kutor poryot korengwa. Wölo kimöminye chi nyo kitïng longa anta ngot ompö Israel ompö kwenu pich elpun tömönut angwan?

1 SAMWEL 12:17

Olentan osiswo pekat chete nya? Wölo osoghan ECHOTYON kïkonï tïlöt nko rop, atonkïtunökwa lö echön ngokï cho kyoghchikwa ECHOTYON, otini kyatepakwa nyinte lö kïmököy pöytoghin.”

1 SAMWEL 14:15

Kïkwongkwongisyö pich ompö möngot nko paren nko pich löwïr nko nyini le lïke kïmïkul nko pïchay kipoktö, kurïngring ngwïnya tïkwïl, kïkwongkwongisyö tya.

1 SAMWEL 2:10

Kïpöröy chona le pung pö ECHOTYON, tïlöy ECHOTYON ompö yïm kwotyegho chane. Rwokyini ECHOTYON ngwïny kïmïkul, töni pöytoghintenyi owesyö, akutöror owesyeto kïlanenyi.”

1 SAMWEL 7:11

Kingeta pipö Israel Mispa, kïrïpata pipö Pilisti akïparata ntökwit Pet Kar to.