1 SAMWEL 6:5 - PIPÏLIA

⁵ Agha körkeyïntino tösus nko mïr cho kipokyï kor atö ororyö Tororöt pö Israel, töptoy ana muköy kuchïchuk sitenyi ompö akwa nko tororötinekwa korenkwa.

1 SAMWEL 6:5 ပူးပေါင်းရင်းမြစ်များ

1 OTÖPTINO OSIS 16:28

Okwolö ECHOTYON pipö ngwïny kïmïkul okwolö ororyenyi nko owesyenyi.

1 OTÖPTINO OSIS 16:29

Kwolö kaynata ECHOTYON nyo oror ipunö tawunyi amöros. Kïtïngö ompö tawu ECHOTYON otini kipörï kegh ompö tïlilyenyi,

TUMWÖY 18:44

Nyini kalïmanïn chane kïterwanïn, kïtïngchinanïn pipö koros walaka.

TUMWÖY 32:4

Kitunganïn ewungu pöghet nko nangat, we ECHOTYON, kiteny owesyenyan le pögh ompö osiswo pekat.

TUMWÖY 39:10

Mechopante kong ngat, karich kuwanyanïn mungötengu.

TUMWÖY 66:3

Mwochinö Tororöt lö, “Pö töngönchin kïtya tïkwïn cho ighenyi! Wow tya owesyengu nyo ighöy punköku kïpotonchö.

WUWÖT 12:12

“Ompöwölo oweran koro Misri oghononi apöran poretay löwïr ompö koro Misri nyo pö chi nko cho pö kyak arwokyinan tororötin löwïr cho pö Misri. Ochan ECHOTYON.

WUWÖT 8:17

Kwigh chane lenyoni. Kughïtö Aron lïkïnyi, akulï terïtyon kïlïkwï rïmpö ompö koro Misri kïmïkul. Kulum rïmpö pich nko tyonkïn.

WUWÖT 8:24

Kwigh ECHOTYON lenyoni, kïpka sosogh cho chang kö pö Parao nko kori mötworichi nko koro Misri kïmïkul, kunyara kore ompö sosogh.

WUWÖT 8:5

Kïlenchï ECHOTYON Musa, “Lenchinö Aron, ghïtenö lïkïngu ompö paraku lalwatïn nko champilwonoy nko takaray, atökïpka mnyakaway koro Misri!”

ISAYA 19:1

Anyï ngölyon nyo ngölono koro Misri. Itu ECHOTYON koro Misri, akungwïno poltoy cho ryöghöy lawel. Potonchegho körkeyïntinö tawunyi cho soghöy pipö Misri. Wonyegho nyu nyakanat pïchoni pö Misri.

ISAYA 42:12

Nya kutö ECHOTYON salat nko ororyö, pich tïkwïl cho möngöy koros cho lowöch!

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

YEREMIA 3:13

Wölo chamanyi lö kyalel, akipörchinyi patagh ECHOTYON Tororötïngu, aicham lö, ompö ket anka tïkwïl nyo nyörilöch sökö, kitötenyi kegh icham tororötin walaka, aicham tïkwïl lö kimeterwanïnyinye. Mwoghöy ECHOTYON.

YOEL 2:25

“Oghokwokwa könyiswechay kyam talamnya tïkwïn, akwam kïperwö nko ptölök akïlö nkutyan. Lïkenyan nyo wow nyo nyoni kyotorchokwa.

YONA 3:9

Nkït ngo ne, muköy ana Tororöt kïwöghöko akïpïstö nörekyenyi nyo körom atömökiwonyö!’ ”

MALAKI 2:2

Mïchini okonyïtanïkwa ompö kïgh anka tïkwïl nyo oghekwa. Mwoghöy ECHOTYON Kimuktoghin. “Wölo ato materanïkwanye, ochïpokwa. Akyochïpokwa ompö nyete le ye, ompöwölo melö kyayangakwa ngal cho kyomwowokwa.

KIYITUT 33:4

otini kimi pipö Misri kïroröy poretayikwa chay kitïgh ECHOTYON. Kiporï nyu ECHOTYON lö kitïngeto nyinte owesyö kïtïl tororötino pipö Misri.

YOANA 9:24

Kïkur chane chichoni kikarote panto odeny akïlenchï, “Mwaghe ngala man ompö tawu Tororöt. Kinkïtöcha lö mwokïyon chichoni.”

YOSWÖ 7:19

Atolapay kïlenchï Yoswö Akan, “Werïnyu, mwagha man ompö tawu ECHOTYON Tororöt pö Israel aimwowanïn lö ne nyï keghanyi amewïngenanïn.”

NGONGUT 11:13

Otini lawel, kurïngring ngwïnya tya nyo kiwur kareran akonga ompö taman nyo pö kanasyantanoni. Kimeghö pich cho le 7,000 ompö korïngringoni pö ngwïny. Kuwöghisyö pikö chinö köngötï tya akïsal Tororöt kïlentöy, “Wow kïtya owesyengu we Tororöt nyo imi yïm!”

NGONGUT 14:7

Kïmwa nyinte ompö kut nyo wow lö, “Okonyïtö Tororöt, asal töroryenyi! Ompöwölo ketïta ato rwokyini nyinte pipö ngwïny. Asagha nyinte nyini kigh yïm nko ngwïny wölo tïyame nko nanam nko kori pöghon!”

NGONGUT 16:9

Kïpel pich mayay kïchirkönisyö porwöy. Kumwa chane kaynata Tororöt nyini tïng owesyö paraku kinyörilutchoni. Wölo melö kikötö akïpïstö ngokikwa akukus owesyo Tororöt.

1 SAMWEL 5:11

Kïkur pipö Ekron pöytoghi Pilisti, akïlenchï, “Ayodena Santuku Muma Tororöt pö Israel apa otö otini kömitö, atömöparecha lömïs.” Kimitö mïghö kanasyante kïmïkul, ompöwölo kichop ECHOTYON chane.

1 SAMWEL 5:9

Otini kitïta Kat, kwawesit ECHOTYON ompö pipö kanasyantanoni, akïwira chane mïghö nyo wow, akuchopa tösus pïchoni cho mïnkech nko cho echön.

1 SAMWEL 6:8

Achenga Santuku Muma ECHOTYON atö nkari ori atolapay otö santukï nyo mi körkeyïntinechay pö koltin kamasunyi, chay kitöni ECHOTYON le ropöwo ngokï. Akanyakwa nyu kïwö.