1 SAMWEL 4:19 - PIPÏLIA

¹⁹ Kimirsïyi potïchtanyi nyo pö Eli, koko Pineas, akirich kïlusyö. Nyini kilïm nyinte lökoyechay pö namata Santuku Muma Tororöt nko megha potïchtanyi nko pontenyi, kungwïnchï kichïr pö lusyogh, kïlusyö.

1 SAMWEL 4:19 ပူးပေါင်းရင်းမြစ်များ

TOWUNÖT 3:16

Kïlenchï Tororöt kokonay, “Otösan tya kichïrtangu pö lusyogh. Iyiyenyi monïng ompö ngwonïn nyo wow, wölo kïrkegh kïlenyoni, ipïrchinenyi chitöngu akïpöytoninyi nyinte.”

TOWUNÖT 35:17

Akwotini kitökïmi nko kichiratanoni ngwan, kïlenchï kama echö, “Mewöghisyö ompöwölo kenyorunyi montö anka nyo le weri.”

1 PÖYTOGHÏ 14:1

Kïkasa osiswechoni Apiya wero pöytoghin Yeropoam.

TUMWÖY 78:64

Kikïpar tïsikwa ompö chok amelö kimï kïriryö.

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

1 SAMWEL 4:18

Nyini kilö chichay kikecheng Santuku Muma, kïchïntegha Eli ngacharunyi kïweghö patagh ompö kukat kamas. Kïmïrö kat akïma, ompöwölo kikikïyosit akï ki chi nyo narate. Kikikurwokyï nyinte Israel könyis tömönut angwan.

1 SAMWEL 4:20

Nyini kirich kïma kokonay, kïlenchï kama echö nyinte, “Meway, ompöwölo keyiyönyi worö.” Wölo kimowöghökwïnye anta yang.