1 SAMWEL 17:8 - PIPÏLIA

⁸ Kughyö Kolyat akuteghchï pipö Israel, akïlenchï, “Oghekwa ne atoni nya, olentan kapkanakwa oporyö? Ochan chi pö Pilisti, ochikwa mötwori Saulö akïla nyu chi akonga ompö akwa, kungwïn kïporyö nko ani.

1 SAMWEL 17:8 ပူးပေါင်းရင်းမြစ်များ

2 SAMWEL 11:11

Kïlenchï Uriya Daudi, “Mi pipö Israel nko Yuda kïporyot akïmito nko Santuku Muma.* Kïmito echotyontenyan Yoap nko mötwori echotyontenyan pöytoghin kïmöngöy wölnö mi poryot, owetan nyu lö ne katanyan omisïyi agheghsyö arï nko korkenyu? Momukanye ntagh kïgh nyo lata nyoni kokay.”

1 OTÖPTINO OSIS 21:3

Kïlenchï Yoap pöytoghin, “Nya kïtas ECHOTYON pipö Israel kïnyïl 100 ompö chongïn kïtïl ye! Cheku pïchï löwïr we pöytoghin. Wölo ompö ne temökenyi yite chane aipchï lelut Israel löwïr.”

1 SAMWEL 17:23

Otini kimi kïngölonöy nko chane, kungwïna Kolyat kwenu lïko Pilisti akïnyernyera pipö Israel lenyaye pö ngat. Kïlïm Daudi ngalechay.

1 SAMWEL 17:26

Kïtep Daudi pich cho kighyongo kamasunyi lö, “Kitöni ne chi nyo pöröy chichï pö Pilisti, akunategha arasinï mi Israel? Akï ngo somchonte nyï sösöy lïko Tororöt nyo söpöy?”

1 SAMWEL 8:17

Chengöy kareranpa taman nyo pö kyakikwa alïkukwa nyu sekeyichi.