1 SAMWEL 13:6 - PIPÏLIA

⁶ Nyini kisïwa pipö Israel lö kikeyonech, kïwïnchï kegh köpönot nko pïrïmpot nko wudïn nko karertin nko kori pöghon.

1 SAMWEL 13:6 ပူးပေါင်းရင်းမြစ်များ

2 SAMWEL 24:14

Kïlenchï Daudi Kad, “Omitan ato kampalal! Wölo mochömanye kïkonanïn ptangengmöt sitöt. Nya kïkonecha ECHOTYON sitöt, ompöwölo tïng kisyonöt nyo wow.”

ISAYA 42:22

Wölo ye kakïchora pikachi tïkwïn, akekörchï chane wölo tuw aketorchï chelen. Karkegh nko tïkwïn cho sökosöy tyompö wudïn, akïpuryö nyo söru chane. Kakïnam wölo melö mi chi nyo lentöy, “Osörunö!”

YEREMIA 41:9

Köyay pö pögh kiwirchï Ismael porwöyi pïchay kipar nyinte kï kö pö pögh nyo wow nyo kiwas köny pöytoghin Asa atökïwïnga kegh ato kiporyot nko Paasya pöytoghinto Israel. Kiwirchï nyu Ismael porwöyi pïchay kipar nyinte köyay pö pögh kïnyïghï.

ESEKEL 33:27

Mwochinö chane lö lentöy Echotyon TORORÖT le ato osopan wonyot pich löwïr cho möngöy kïratis ompö chok, atönan tyompö wuw kwam chi anka tïkwïl ompö ompölyon, kwam amal cho mi wölo aghïgh nko cho mi köpönot.

PILIPI 1:23

Köpiryechanïn ye ngala odeny, opörchinan tya owö otöpö nko Kristo, ompöwölo karam nyoni kïsir tïkwïn löwïr,

EPRANIA 11:38

Pich cho kimömïchïcha kïtïpï ngwïnyinete! Kirwötöy chane ompö surkwen nko kutïnkot nko köpönot akimöngöy köpönot anko pïrïmpot cho mi ngwïny.

YOSWÖ 8:20

Nyini kilö pipö Ai kirosï löt, kïsïwa lö poto ighöt nyo kighönö kanasyan kwit yïm, mökïnyorïcha wölo chïwïto ompöwölo keyokï mötöwöy pipö Israel akïporyeghö chane.

KIRWOKÏ 10:9

Kwoghyö tïkwïl pipö Amon Yordan atö kïporyeghö pipö ara Yuda nko cho pö Penchamen nko cho pö Epraim. Kïsïch nyu pipö Israel nyarïl nyo wow.

KIRWOKÏ 20:41

Kïmïlisyö nyu pipö Israel akïporyeghö chane, kïmïghyö pipö Penchamen, ompöwölo kisïwa lö kichïnchï chane nyarïl.

KIRWOKÏ 6:2

Kïpar pipö Midyan pipö Israel tya, kïlenyona kïyörchï kegh pipö Israel köpönot nko wölo ghïpate ompö komos.

1 SAMWEL 13:15

Kïweghö Samwel Kilkal kutang Kipea koro Penchamen. Kuyit Saulö pich cho kimi nko nyinte, kingata chane mïrön 600.

1 SAMWEL 14:11

Kuporchï kegh chane kwodeny pipö Pilisti, kïlö Pilisti, “Achï pipö Eprania kapkana pïrïmpotichay köwïngo kegh.”

1 SAMWEL 14:22

Nyini kilïm pipö Israel cho kiwïnchï kegh komoswo Epraim lö, kiryögh pipö Pilisti, kïpa chane tïkwïl kïporyeghö pipö Pilisti.

1 SAMWEL 23:19

Kïpa pipö Sip kutang Kipea wölo mi Saulö, akïlenchï, “Mi Daudi kïwïngo kegh wölo aghïgh ompö Ores nyo mi kutïng pö Akila ewu tagh ompö Yesimon.

1 SAMWEL 24:3

Kïwö ntökwit ato kimi akalu kechir ompö or kamas, ato kimito köpön, kïsir Saulö ompö köpönonay. Kichö mi Daudi nko pikachi wölo le ori.

1 SAMWEL 31:7

Nyini kisïwa pipö Israel cho kimi woptö anka nyo pö mpöghoghyo Yesrel nko cho kimi Yordan okumpö kongasis lö kiryagh pipö Israel akikepar Saulö nko werkachi, kïpïstö kanastinekwa akïryagh. Kïpka pipö Pilisti kïmang kanastine.

1 SAMWEL 7:7

Nyini kilïm pipö Pilisti lö könyoryechï pipö Israel Mispa, kïpa pöytoghi pipö Pilisti kïpusta atökïporyeghö chane. Otini kilïm pipö Israel kïmïghyö nyoman.