1 SAMWEL 11:7 - PIPÏLIA

⁷ Kïcheng eghin odeny cho kikïrötyï mïchoki akïtanatan, akuyoktö pich kwip kïghömï koro Israel akïlö, “Chi anka tïkwïl nyo möngetunye akïrïp Saulö nko Samwel kïwö poryot, keghchini eghinechi lenyoni!” Kïmïghyö chane ompö kïgh nyo töptoy kimököy ECHOTYON kwighöy kïpkanta akonga löwïr.

1 SAMWEL 11:7 ပူးပေါင်းရင်းမြစ်များ

TOWUNÖT 35:5

Otini kirutoy Yakopo nko werkachi, kïlïtyï otyogh nyo kingwïna wölo mi Tororöt kanastin lapay cho kile pöröriskökwa, melö kitökïrïp nyu chane werpö Yakopo.

2 OTÖPTINO OSIS 14:14

Kipar kunyar kanastin löwïr cho kiwit Kerar ompöwölo kingwïnchï otyogh pö Tororöt pich cho kimöngöy kanastinechoni. Kingagh kanastine tïkwïl, ompöwölo kimi tïkwïn cho chang ori.

2 OTÖPTINO OSIS 17:10

Kichumchï otyogh pö ECHOTYON pöytoghï löwïr cho pö koros cho kimang kuwit Yuda akimökïpacha kïpar kegh nko Yeosyapat.

2 OTÖPTINO OSIS 19:7

Nya kïtöpö kiwaghata ECHOTYON nko akwa, aros wölo opöghisyeghtoy ompöwölo möchömönye ECHOTYON Tororöt putintön anta chamata pich walak ketagh walak anta amata asoya.”

ISAYA 8:13

Poto ani ECHOTYON Kimuktoghin nyo okonyïtekwa, akanya kutang kiwaghatenkwa wölo mi nyinte onkït.

KIRWOKÏ 19:29

Otini kitïta katanyi, kïcheng rotwö akïsakasaka ngichayayi korkonay kïlïkwï taman nko odeny, atolapay kuyoktö ngichayayichoni kïghömï koro Israel kïmïkul.

KIRWOKÏ 20:1

Kïpka pipö Israel löwïr kïngeta Dan nyo mi okumpö löt ntökwit Persyepa nyo mi okumpö ewu tagh akïpkana Kiliad nyo mi okumpö kongasis tïkwïl akïtuyechï Mispa tawu ECHOTYON le kïgh akonga.