1 SAMWEL 11:6 - PIPÏLIA

⁶ Nyini kilïm nyinte ngalechoni, kungwïnchï mïkulöwu ECHOTYON ompö owesyö, kïngwanit lö kat nörekyenyi.

1 SAMWEL 11:6 ပူးပေါင်းရင်းမြစ်များ

WUWÖT 32:19

Otini kirich Musa möngot akïsïwa moghay nko tumöt, kïnarek tya akïwirchï ngwïny koghichay töpölöl kömi morichi kïghyösyö ompö kutïng to.

KIYITUT 12:3

Ki chi Musa nyo kitalas kïtïl pich löwïr cho kimi ngwïny.

MARKO 3:5

Kïranga Yeso chane konyïn ompö mïrmïryö akïsïwa ngwonïn ompö oghïghïnto mïkulïskökwa. Kïlenchï chichay, “Ghïtenö ewungu.” Kughïtö, kïsöp ewunyi lenyini.

EPESO 4:26

Ato onörekyö, mopïsï nörekyengwo kumïtak wölo mi ngokï, amonörekyö tökwimön.

KIRWOKÏ 11:29

Atolapay kungwïnchï Mïkulöwu ECHOTYON Yepta. Kïwö kuwerata koro Kiliad nko nyo pö Manase, akïmïla kutöngwï kanasyanta Mispa nyo mi Kiliad, atolapay kïwö kutang wölo mi pipö Amon.

KIRWOKÏ 13:25

Kïpöghisyeghö Mïkulöwu ECHOTYON nyinte ompö koro Maanedan, nyo kimi kwenu Sora nko Estaol.

KIRWOKÏ 14:6

Kungwïnchï Mïkulöwu ECHOTYON Samson ompö owesyö, kïkareran kïrkay pö ngötïny ompö morichi le wawa aran akimötïngnye kïgh ompö morichi. Wölo melö kimwochï yiyichi kïyoni kigh nyinte.

KIRWOKÏ 15:14

Nyini kitïta Lei, kïpölyö pipö Pilisti kwam sirmoy otini kisïwa Samson. Akïtökïnyini kungwïnchï Mïkulöwu ECHOTYON Samson ompö owesyö. Kïngötiy pörköyichay kikïrata ewunechi le iwak nyo kiyam.

KIRWOKÏ 3:10

Kungwïnchï Mïkulöwu ECHOTYON nyinte, akurwokyï pipö Israel akïset lïk, kutö ECHOTYON Kusyan Risyataim pöytoghinto Mesopotamia morichi.

KIRWOKÏ 6:34

Wölo kungwïnchï Mïkulöwu ECHOTYON Kidyon, kïkut kontï akïkur pipö ara Apieser kïrïp nyinte.

1 SAMWEL 10:10

Otini kit chane Kipea, kuryam nko söpïch pö werkoy kungwïnchï mïkulöwu ECHOTYON nyinte ompö owesyö nyo wow, kïngorsyö ompö kwenungwa.

1 SAMWEL 10:6

Ngwïnchininyi nyu mïkulöwu ECHOTYON ompö owesyö nyo wow aingorsyenyi nko chane, akewaghakinyi lïkuna chi nyo sis.

1 SAMWEL 16:13

Kicheng Samwel lal nyo mi mwagh, akuyil Daudi ompö kwenu werkökwa, kungwïnchï Mïkulöwu ECHOTYON Daudi asisoni kutang tagh. Kïmïla Samwel kutang Rama.

1 SAMWEL 16:14

Kïngeta mïkulöwu ECHOTYON Saulö, kïlïtï mïkulögh nyo gha nyo kisus nyinte nyo kiyonï ECHOTYON.