1 SAMWEL 1:22 - PIPÏLIA

²² Wölo kimöwönye Ana Syilo, kïlenchï pontenyi, “Melö owetan ntökïtenö kïpïstö monïngï kitïn, atoni nyu ato omïtan tawu ECHOTYON, atökïtöpö wöloni kokay.”

1 SAMWEL 1:22 ပူးပေါင်းရင်းမြစ်များ

TUMWÖY 110:4

Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

TUMWÖY 23:6

Rïpsetonanïn nyoman köromnyengu nko chomnyengu ompö osiswechan löwïr cho tosöpan. Omöngan Kö pö ECHOTYON kokay. Tum pö Daudi.

TUMWÖY 27:4

Kyatepan ECHOTYON kïgh akonga, lö omökan tamangan Konyi, osiswechan löwïr. Atasïwan pïchighyo ECHOTYON, atepan nyinte kulïwchï orenyan.

WUWÖT 21:6

kumïtu nyu echotyontenyi wölo kïsogho akïkany kughyongö kukat anta ket pö kukat akïrït yitïnyi. Lïku nyu mötworintenyi kokay.

ISAYA 9:7

Letöy tagh kïghetu owesyo paytaghtanyi, mi kalya paytaghtanyi osis löwïr. Pöytoy nyinte kïtöpö otini kimi Daudi, chïchïmo owesyenyi kitenat nko man, kïngeta nyete le ye nko kokay. Ighöy nyakanata ECHOTYON Kimuktoghin choni lapay.

LAWIN 25:23

“Moltonye chi kor kokay, ompöwölo nyinyan kore. Ochikwa to achï pïnot.

LUKA 2:22

Kitïta ato kimïchini Yosep nko Marya kutïlil kegh kïrïp kegh nko Kirurut pö Musa. Kwip monïngay ntökwit Yerusalem atökutö Echotyon,

KINONO KIRURUT 16:16

“Pkonöy piköku löwïr cho le mïrön wölo mi ECHOTYON Tororötïngu kïnyïl sömök ompö köny anka tïkwïl ompö wölini kakïl kesagha nyinte, ompö Ichon pö Pasaka nko Ichon pö Ilö nko Ichon pö Tunkun. Mekany kïpka pich wölo mi ECHOTYON Tororötïngu nko morïn cho tïryolöch.

YOSWÖ 4:7

Olenchï, ‘Kimuryö pögho Yordan ompö tawu Santuku Muma ECHOTYON, otini kyowu Yordan.’ Kïlenyona nyu, lïku koghichï kinonut ompö Israel kokay.”

1 SAMWEL 1:11

Kuwalwal lö, “ECHOTYON Kimuktoghin, ato isïwïyenyi nyarïltanyan, inanante amewutyeghante. Ato ikonaninyi monïng nyo le weri, okoninyi nyinte ompö osiswechi löwïr amörwokönye chi mötïnyi.”

1 SAMWEL 1:28

Kïlenyona kongotyan nyinte ECHOTYON, ompö osiswechi löwïr.” Atolapay kïsagh Ana ECHOTYON ompö atoni.

1 SAMWEL 13:13

Kïlenchï Samwel Saulö, “Keghanyi kïgh nyo pö sölwontön, melö kerïpanyi kirurut pö ECHOTYON Tororötïngu cho kimwowunyi. Ntökirïpanyi kötö koninyi ECHOTYON nko moneku paytena Israel kokay.

1 SAMWEL 2:11

Kïwö nyu Elkana kutang katanyi Rama, wölo kïpöghisyechï monïngay ECHOTYON akintöghoghchini tïsin Eli.

1 SAMWEL 2:18

Kipöghisyechï Samwel ECHOTYON akiloköy sïra katani nyo pö tïsï.

1 SAMWEL 28:2

Kïlenchï Daudi Akis, “Nkïtunö lö ongörokinyi.” Kïlenchï Akis nyinte, “Karam nyoman, oghinyi ye nyu lïkune ripintenyan kokay.”

1 SAMWEL 3:1

Kimi Samwel kïpöghisyechini ECHOTYON akuntöghoghchini Eli. Kingörï ngala ECHOTYON osiswechoni, kimömicha sïwïyaghtina cho chang.