1 KORINTO 9:24 - PIPÏLIA

²⁴ Monkïtökwanye so lö ryöghöy pich cho chang cho omöy kanyanyighos ompö tömko pirö, wölo kïrkegh kïryagh tïkwïl, akonga ompö chane nyo nyoru ropöwon?

1 KORINTO 9:24 ပူးပေါင်းရင်းမြစ်များ

TUMWÖY 19:5

Pusu tökwoghö le chi pö mïrar nyo ngwïno konyi lata chumwak nyo chömöy kurïpöy.

OMTOGHIN 9:11

Asïwan ngat ompö ngwïnyinï lö melö pö kirïpötö pich cho pïrtït amelö pö poryot pich cho owesöch anta pöyit omisyö pich cho ngöghomöch anta pöyit sïkönöt pich cho chïreröch anta pöyit chömchin pich cho le tïngan, wölo ngwïnchini asis nko pöroyïn chane löwïr.

YEREMIA 12:5

Kïlenchanïn ECHOTYON, “Yeremia, ato ioghökenyi rïpe nko pich cho pegho kelyön, imukenyi lö ne rïpe nko angoletin? Ato ipïtonyi kor wölo löpo, ekwigho ne ato iminyi wuw pö Yordan?

OSEA 12:10

Ani nyo kyongölonchini werkoy ki ani nyo kyotöni sïwïyatin cho möngörï, amwowan ngötïnyö ompö chane.

RUMI 6:16

Ompöwölo monkïtökwanye so lö otini kyotötekwa kegh akwane alïkwï sekey cho oterchini chito anka, kïkalïkukwa sekeyiko chichoni? Nyo ato alïkukwa sekeyi ngokï, kwipkokwa meghat. Kïkany alïkukwa sekeyi terchin pö Tororöt, keyityinokwa nyu man ompö tawunyi.

1 KORINTO 9:13

Monkïtökwanye so lö nyoruno pich omisyengwa Kö pö Tororöt cho pöghisïyi ompö Kö pö Tororöt,* akïtïng ngat pich cho ipu ropöw cho kïpelo watwa amöros karerantangwa ompö ropöwechoni?

1 KORINTO 9:23

Kaghan choni lapay ompö Lökoyechoni Karamach atonyorï kiparat nyo pö kisoyönutkachi.

1 KORINTO 9:26

Nka nyoni nyu omitan orïpöy atopönöy tagh atarïnta. Nka nyoni alatan chi nyo wiro chi egh nyo keröy otini wiröy.

KALATIA 2:2

Kyorutan lenyoni ompöwölo kyonyorwan kiporunöt nyo kingongwanïn Tororöt lö, mïchini owan. Kïkany otini kikïtuyechïcha ato le sirö nko kintöghoghï amwochan chane Lökoy cho Karamach cho kyomchinan pipö Punton. Kyaghan lenyoni ompöwölo kimomökanye ighisyenyan nyo kyaghan tagh nko nyo kitoghan kïwiröy wuw.

KALATIA 5:7

Wechï kyoghekwa nyo karam! Ngo nyo kighakwa nyo atagha man nya?

PILIPI 2:16

amitekwa nömöy lasïny ngölyonto söpon. Ato aghakwa lenyoni onyorunan kïgh nyo omuköy okwolö kegh akwa ato itï asispa Kristo, ankïtwan lö melö kyorïpön kwïle amawirnye wuw pöghisyenyan.

PILIPI 3:12

Melö okwolan kegh lö kyatan söröm anta kyaten. Omitan onoghyot atonyorï, ompöwölo kikwighanïn Kristo Yeso alïkwï nyenyi.

PILIPI 3:14

Omitan ye nyu orïpöy otöngöy wölo mi kerötenyan, atonyorï ropöwontononi nyo nyoni kuröto Tororöt nyo pö söpon pö parak ompö Kristo Yeso.

KOLOSAY 2:18

Makany kurwokwok chi anka tïkwïl nyo ipöy kegh yïm, tya lö ompöwölo könyorï nyinte sïwïyagh nyo sis akïmi kïsïngo wölo kiptoy kegh ngwïny ompö lïs. Lenchini pich asagha malayken. Syolöy kegh chichoni kwïle ompö kinonutkachi cho pö ptangengmöt.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

NGONGUT 3:11

Otunan lawel, kamana lasiny kïyoni itïngetenyi tömösarenin chi konutyengu nyo pö rïntagh.