1 KORINTO 9:16 - PIPÏLIA

¹⁶ Ato omtonan Lökoy cho Karamach, kïmelö kïgh nyoni nyo okwolonan kegh, ompöwölo kakisikwanïn agh lenyoni. Wölo ochech ompö ani ato mamtanye Lökoyechete Karamach!

1 KORINTO 9:16 ပူးပေါင်းရင်းမြစ်များ

ISAYA 6:5

Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

YEREMIA 1:17

Wölo nyi ye Yeremia, napa kegh lasiny. Wïyö mwochinö chane ngalechï löwïr omwowunyi ye. Amewagh chane, tömawirenin potana ompö tawungwa.

YEREMIA 20:7

Kelïsaninyi we ECHOTYON alïsan kïlïsa! Ichinyi awes kïtïlanïn akilotaninyi. Kalïkwan chi nyo kïroröchini kwimön, mïnanïn chi anka tïkwïl.

YEREMIA 20:9

Kïkany olan, “Mongölonenanye ECHOTYON, momwoghanye kïgh ompö kaynenyi,” kïnagh kïgh nyo mi orinyan le ma, ompöwölo lenye ngölyontengu ma nyo nöghöy ompö orinyan. Olan omukyï okörchï ori, wölo mamukanye kokay.

AMOS 3:8

Ngo nyo mewöghisïyi ato tïl ngötïny? Ato ngalan Echotyon TORORÖT, kïngo nyo mömwotïtoy ngölyontenyi?

AMOS 7:15

Kïngwïsenanïn ECHOTYON achey wölo kyomitan, akïlenchanïn, ‘Wïyö ngora ngal akwompö piköchan Israel.’

MATAYO 25:16

Kïwö lawel mötworintonay kikitö talanten mut kuchirusön kïsïch talanteni walaka mut cho mi parak.

LUKA 9:62

Kïlenchï Yeso chichay, “Ngo nyo menkït lö möngoronye par kuten ato nam chi köpompo eghin akïmi kurosöy löt? Kïlenyona ye, ato pïsï chi tïkwïn kukaper möngenyi, kïmötïngnye kinyiwut ompö Pöyunöto Tororöt.”

IGHISYEWUT 4:20

Ompöwölo mökimukechanye kesisyenö amökïngalana tïkwïn cho kikesïwecha akelïmacha.”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

IGHISYEWUT 9:6

Wölo ngeta wïyö tanga kanasyan, atökemwowun kïgh nyo mïchini ighe.”

RUMI 1:14

Ompöwölo otïngetan ghosyö omchï punton löwïr cho kikulet nko cho tomöcha, cho ngöghomöch nko cho le sölwöy.

RUMI 15:17

Kïlenyona nyu, le otini kolinyan nko Kristo Yeso, omukan okwolone kegh ompö tïkwïn cho kyoghchan Tororöt.

RUMI 4:2

Ntökile nyo kikiyityï man ompö tawu Tororöt ompö ighisyewutkachi, kötötïng kïgh nyo kwolo kegh. Wölo kimöminye wölo kimuköy kwigh lenyoni ompö tawu Tororöt.

1 KORINTO 4:15

Ompöwölo kïrkegh kotïngetekwa kintöghoghï cho möngörï ompö otöptönkwa nyo pö Kristo, kïmelö otïngetekwa papotïn cho chang. Ompöwölo alïkwan paponkwa ompö Kristo Yeso ompö ara Lökoy cho Karamach.

1 KORINTO 9:12

Ato tïng pikö walaka man nyo nyorunonekwa tïkuchoni, ketïngetecha nyu man kïtïl chane. Wölo tomönye kepöghisyeghenöcha mantanoni. Nyo kitökïpöghisyeghonecha kemïkukönöcha ompö kïgh anka tïkwïl atömökitö Lökoy cho Karamach cho pö Kristo tömölöwon nyonikïny.

1 KORINTO 9:14

Kïlenyoni tïkwïl, kimwochï Echotyon pikachi lö nyoruno chane omisyengwa amtaghpa Lökoy cho Karamach.

2 KORINTO 2:12

Kyamtan Lökoy cho Karamach cho pö Kristo otini kyatan Troa. Kyonyorchan atoni kukat nyo yatate ompö ighisyo Echotyon.

KOLOSAY 4:17

Omwochï Arkipo kulïtit ighisyonay kitö Echotyon.

1 SAMWEL 12:23

Nya kïlowit ompö ani. Momukanye kokay ntoghchï ngokï ECHOTYON opïstan osoghwokwa. Wölo onetokwa or nyo karam nyo mïchini arïpakwa.