1 KORINTO 8:9 - PIPÏLIA

⁹ Wölo orip kegh tömötöp otöptöngwo nyoni tyakate tökwigh pikö walaka cho nyörkölöl ompö kighanat kupïtyï ngokï.

1 KORINTO 8:9 ပူးပေါင်းရင်းမြစ်များ

ISAYA 35:3

Tönö owesyö morïn cho kikwoghochö aitö owesyö kutïngöy cho potonchot ompö nyörkölelyö.

ISAYA 57:14

Mwoghöy ECHOTYON lö, “Akanya kïmïlonchö piköchan wölo omïtan. Anateghena kïgh anka tïkwïl nyo kortoy chane.

ESEKEL 14:3

“Wero chi, kikutö pïchï mïkulöwekwa körkeyïntin kïpayta akuntöghoghchï chane kwigh ngokï, pkonöy nyu lö ne kïtepenanïn ngal?

ESEKEL 44:12

Kyomchan muma chane, omöy nyarïl ompöwölo kirïp chane körkeyïntinekwa, akïlïkwï tömölöwonto ngokï ompö pipö Israel. Mwoghöy Echotyon TORORÖT.

LAWIN 19:14

Mochïp cho mingote anta itö kïgh tawu chepkarot nyo kwötöy nyinte, wölo konyïtanïn. Ochan ECHOTYON Tororötïnkwa.

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

RUMI 15:1

Mïchinecha cho kïchï chïchïmote ompö kighanat kengaraka pikö walaka cho nyörkölöl kumï kïrïnta kömpölelutkökwa, amökeyang kegh opïn.

1 KORINTO 10:24

Merokonye kïyar chi tïkwïn cho töni nyinte onkït tösunöt, poto cho ngöroköy pikö walaka.

1 KORINTO 10:28

Wölo ato lenchokwa chi, “Kakïropchï omisyonete körkeyïntin,” mam nyu omisyononi akwompö chichoni kikwowokwa lenyoni nko choghïn nyo karam.

1 KORINTO 10:29

Kamwaghan nyoni amelö ompö choghïntönkwa, wölo ompö choghïn pö chichoni kömwowokwa. Tepöy ye nyu chitö anka lö, “Kwompö ne tökïmir otöptönyan nyo tyakate sïkunöteto chitö anka nya?

1 KORINTO 10:32

Amolelchï pipö Yaudi anta pipö punton anta kanisa Tororöt.

1 KORINTO 8:10

Ompöwölo ato sïwinyi, nyo itïngetö kinkïtöt, chitö anka nyo nyarkalal kighanatenyi, iomisyeghonyi kö nyo kïsogho körkeyïntin, metöninye so nyoni nyinte sirmoy nyo omo omisyewut cho kakeropchï körkeyïntin?

1 KORINTO 8:12

Ato olelchikwa tupchenikwo ompö or nyo lata nyoni, atïghökwa kighanatengwa nyo nyarkalal, kï kolelchikwa Kristo.

1 KORINTO 9:22

Kalïkwan chi nyo nyarkalal ato omitan nko pich cho nyörkölöl, atamuk otyï chane. Kaghan kegh alïkwï kïgh anka tïkwïl ompö pich löwïr, atamuk osörï walaka ompö or anka tïkwïl.

2 KORINTO 11:21

Ochöman ante ompö arasï lö kikïchicha nyörkölölech! Wölo ato mi chi anka tïkwïl nyo mukyini lö tokwolö kegh kïgh ongölonan le sölwö omukyinan ante tïkwïl.

2 KORINTO 11:29

Ato nyarkalal chitö anka, ochan nyarkalal tïkwïl. Ato kïlelchï chitö anka, owongunan ante tïkwïl.

2 KORINTO 6:3

Melö kïmökecha ketöne matankïl ara chi anka tïkwïl atömönyorï pöghisyencha kigheghchin.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

KOLOSAY 2:8

Orip nyu kegh tömetönok chi ngöghöp ompö ngöghomnyenyi nyo le kwïle akï pö lïs akï, nyo ngwïno asïl pö ptangengmöt nko mïkulis cho pöytoy wölnö le mïröt melö ngwïno Kristo.

1 PETRO 2:16

Otïpinö le pich cho tyokote, wölo mopöghisyeghö kityakatengwo awïnga lelutkökwo, wölo otïpinö le mötwori Tororöt.

2 PETRO 2:19

Yomischini chane pikö walaka kityakat akwanyï sekeyi kiwurat chane, ompöwölo sekeyon chi ompö kïgh anka tïkwïl nyo pöyu nyinte.

NGONGUT 2:14

Wölo mi ngala tïkwïte cho otïngetan ompö nyi mi pich kwenunkwa cho rïpöy kinetut pö Palaam nyo kinet Palak kïkïnkïn pipö Israel kwigh ngokï kwam omisyewut cho kikïropchï körkeyïntin, akunet chane kwigh cheporesnan.