1 KORINTO 8:13 - PIPÏLIA

¹³ Kïlenyona nyu, ato töp omisyö tökwigh werïncha kupïtyï ngokï, kïmelö toman peny kokay, tömötöp taghan werïnyo kupïtyï ngokï.

1 KORINTO 8:13 ပူးပေါင်းရင်းမြစ်များ

MATAYO 17:27

Wölo merokonye kelelchinöcha pïchï. Kïlenyona wïyö tanga nanam aiwirchï pörköyö ori ainömï koghoghwö nyo nömöy pörköyononi nyo pö tagh aingany kut atenyorchinö ropïyon ateghaktena surucha kwodeny.”

IGHISYEWUT 15:20

Wölo kekirchinö chane kemwochinö lö mam omisyö nyo kakipï keropchï körkeyïntin. Okïr kegh cheporesnan, amam pempö kïgh nyo kakïghïghiny, amolï kisön.

RUMI 14:13

Kïlenyona nyu, mökerwokyinö kegh ngat, wölo kekïrö kegh tömökitö kïgh areto tupchenyo nyo muköy kïkwat anta igh nyinte kupïtyï ngokï.

RUMI 14:21

Mömïchininye kyam peny anta kegha dipay* anta kigh kïgh anka tïkwïl nyo ighöy tupchengu kupït.

1 KORINTO 10:32

Amolelchï pipö Yaudi anta pipö punton anta kanisa Tororöt.

1 KORINTO 10:33

Akara kegh nko ani, ompöwölo komukyan agh pich löwïr kïngörekyö ompö kïgh anka tïkwïl nyo oghan, amelö ompö tösunötenyan kegh, wölo tösunöto pikö walaka atökesörï chane.

1 KORINTO 13:5

Melö pkatyan chomnyogh, amöyörönye tïkuchi kegh anta narek lawel, menonönye ngal cho ghach,

1 KORINTO 6:12

Lentöy chitö anka, “Kïchömwanïn oghöy kïgh anka tïkwïl.” Owöy, wölo melö karam kïgh anka tïkwïl ompö chi. Omukan amwagh lö, mokïranye kïgh anka tïkwïl, wölo mochömanye olïku sekeyonto kïgh anka tïkwïl.

1 KORINTO 9:12

Ato tïng pikö walaka man nyo nyorunonekwa tïkuchoni, ketïngetecha nyu man kïtïl chane. Wölo tomönye kepöghisyeghenöcha mantanoni. Nyo kitökïpöghisyeghonecha kemïkukönöcha ompö kïgh anka tïkwïl atömökitö Lökoy cho Karamach cho pö Kristo tömölöwon nyonikïny.

2 KORINTO 11:29

Ato nyarkalal chitö anka, ochan nyarkalal tïkwïl. Ato kïlelchï chitö anka, owongunan ante tïkwïl.

2 KORINTO 6:3

Melö kïmökecha ketöne matankïl ara chi anka tïkwïl atömönyorï pöghisyencha kigheghchin.