6 Kïgh nyo komwowokwa ye kï kiruröt melö kisiköt.
Otïngetan ngölyon ompö pich cho kakensyö amelö nyinyan ngölyonte, wölo pö Echotyon, lö, tömötöp korka tökïpïstö santenyi.
Omwochinan ante pikö walaka (amelö Echotyon), lö, ato tïng mïrönö nyo kakughan Kristo* korka nyo tomönye kughan akïcham kokononi kïtöpö nko nyinte, kïmömïchininye kutyak.
Motïngetanye ye nyu kichiköt nyo ngwïno wölo mi Echotyon ompö kor cho kïltït nko mïsïktin, wölo okonunan kinonutyenyu ante nyo kakusyonchï Echotyon alïkwï chi nyo kighönöy.
Wölo osïwïyan ante lö ngarakate nyinte tya ato töpö lenyini kömi. Kinonutyenyan nyoni, anonan lö otïngetan tïkwïl Mïkulöwu Tororöt.
Omwoghan ye nyu ngölyon nyo melö kötömököy Echotyon omwoghan. Nyoni kï ngölyontonï pö kwolöto kegh, kamwaghan pat le chi nyo le sölwö.
Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.
