1 KORINTO 7:34 - PIPÏLIA

³⁴ kïpesyö nyu chane kïlïkwï odeny. Kïkany korka nyo tomönye kep anta nyo le chepkïltït, kïsïngo ighisyo Echotyon, ompöwölo mököy nyinte kutöni Echotyon portanyi nko mïkulöwunyi. Wölo sïngo korka nyo kikep tïpö ngwïnyinï atökwigh santenyi kïngarak.

1 KORINTO 7:34 ပူးပေါင်းရင်းမြစ်များ

YOANA 10:13

Pertoy chichoni atökïsugh söpontanyi, ompöwölo kakikir amelö nyinte yongöy kechir.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

1 KORINTO 6:20

Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

1 KORINTO 7:33

Kïsïngo chi nyo kikensyö ngala ngwïny atökwigh korkenyi kïngarak,

1 KORINTO 7:35

Komwowokwa ngalechoni ompöwölo omökan ongörokokwa, molenchï kegh omökan omirokwa. Wölo kömökan pat osïkekwa tötut cho mïchini atamuka opöghisyechinö Echotyon ompö mïkulögh nko machat akonga.

2 KORINTO 11:28

Amelö ki ngalechoni pö sany opïn, kyasïngan ighisyewut pö kanisen löwïr kïtenö osis.

2 KORINTO 8:16

Oyokyinan Tororöt sörö nyo wow nyo ketö Tito mïkulögh nyo mököy nyoman kungörokokwa lenyini komökan ante!

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

1 TESALONIKE 5:23

Nya kutïlilokwa Tororöt lasiny nyo konecha kalya ompö or anka tïkwïl akïrip mïkulöwekwa nko söponwekwa nko porwoyikwa atalïkuna pich cho melö tïng lelut ato mïla Echotyontenyo Yeso Kristo.

1 TIMOTEO 3:5

Ompöwölo ato memukönye chi ntökïpayta katanyi kegh, muköy lö ne kïpöytoy kanisa Tororöt?

1 TIMOTEO 5:5

Mïsïk nyo puryö chi möngisïyi tïkwïl, kï nyo kikutö kikönötenyi wölo mi Tororöt akïsomöy Tororöt kingarakat kïnomnyö ompö saghat, nangat nko pöghet.

TITO 3:8

Pö man ngölyontonï. Amöchan chïchïmanyi lasiny ngalechï tökumï pich cho kikughan Tororöt, kwigh kegh ompö pöroyïn anka tïkwïl nyo tökwigha pöghisyewut cho karamach cho tïng kinyiwut ompö pich löwïr.