1 KORINTO 7:22 - PIPÏLIA

²² Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

1 KORINTO 7:22 ပူးပေါင်းရင်းမြစ်များ

TUMWÖY 116:16

Ochan mötworintengu, we ECHOTYON, ochan mötworintengu le wölo kilata yonyan kityakanyi pörköy cho kikïratenanïn.

RUMI 1:1

Kakiran palalyantanï Paulö ante mötworinto Kristo* Yeso, nyo kikekurön alïkwï kiyoktoghin* akelöwon kwamta Lökoy cho Karamach cho pö Tororöt.

1 KORINTO 7:21

Kikïkurinyi otini kichinyi sekeyon nya? Mesus kegh, wölo ato inyorï pöroyïn nyo kakityakïn, ipöghisyeghö kityakatengu.

1 KORINTO 9:19

Kïlenyona nyu, kïrkegh kö mochanye sekeyonto chi wölo kaghan kegh alïkwï sekeyonto pich löwïr, atömanyïl onyorï pich cho chang cho rïpöy Kristo ato muko.

1 KORINTO 9:21

Kïkany ompö pich cho lowöch nko kirurut, otöpan nko chane le chi nyo lowö kirurut atamuk otyï pïchoni lowö kirurut. Wölo meporunye nyoni lö motïngetanye Kirurut pö Tororöt, nyoman omitan ngwïnyi kirurut pö Kristo atömanyïl otyï chane cho mi sanypa kirurut.

KALATIA 1:10

Omökan chömchin pö pich ye nya anta nyo pö Tororöt? Anta omukyinan oghöy pich kïngörekyö nya? Ntökaghan lenyoni kömelö kötolïkunan mötworinto Kristo.

KALATIA 5:1

Kïchicha tyokote akï Kristo* nyo ketyakecha! Oghyongö nyu lasiny amakanya ngat kerötyok mïchoki sekeynön.

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

PILEMON 1:16

Akï ye meyit Onesimo lö sekeyon pat, wölö tïlöy sekeyon ompöwölo werïnyo nyinte nyo chamate ompö Kristo. Pö kinyiwut nyinte nyo wow ompö ani, wölo wow tya kinyiwutyenyi ompö nyi, le sekeyon akïle nyo otupchö ompö Echotyon.

1 PETRO 2:16

Otïpinö le pich cho tyokote, wölo mopöghisyeghö kityakatengwo awïnga lelutkökwo, wölo otïpinö le mötwori Tororöt.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

YUDA 1:1

Ani Yuda palalyantanï, nyay le mötworinto Yeso Kristo* nyo ochï tupchö nko Yakopo nyo kakir palalyantanete. Kakirwokwa chona kikurok Tororöt, cho otïpïsot ompö chomnyo Tororöt Papo akï cho ripokwa Yeso Kristo.