1 KORINTO 7:19 - PIPÏLIA

¹⁹ Ompöwölo mökïghnye ato wö chi tum anta möwö, wölo kerïp Kirurut pö Tororöt.

1 KORINTO 7:19 ပူးပေါင်းရင်းမြစ်များ

MATAYO 5:19

Kïlenyona, chi anka tïkwïl nyo penyöy ompö kirurut akonga nyo mïnïng tya ompö kirurutchï, akunet pikö walaka kwigh lenyoni, kïmïnïngitu nyinte tya ompö Pöyunöto Yïm. Wölo chi anka tïkwïl rïpöy akunetöy lenyini kekuro nyo wow ompö Pöyunöto Yïm.

YOANA 15:14

Ochikwa kongotichan ato aghakwa tïkuchoni kochikwokwa.

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

1 KORINTO 8:8

Wölo melö omisyö nyo ighecha kelekïtitunö nko Tororöt. Melö mi kïgh nyo rörchinecha ato mökyamachanye kïgh amelö kïnyorunecha tösunöt ato kyamacha kïyoni.

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

KALATIA 6:15

Mökïghnye ato köwö chi tum anta ewo. Kïgh nyo pïchigh kï kelïkwï ighan nyo rel.

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

YOSWÖ 5:5

Kïrkegh kimutote pïchoni löwïr kipkana Misri, wölo kitomönye kemut pich löwïr cho kikïyichï or ompö surkwen.

NGONGUT 22:14

Soyönote pich lapay cho mwötöy sïrokökwa, ompöwölo tïng chane chömchin nyo omöy okinto ket pö söpon akïlïtöy kanasyan kuweröy kukotichi.

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.