1 KORINTO 6:20 - PIPÏLIA

²⁰ Kikyalenakwa olyot nyo wow. Kïlenyona, opöghisyeghenö porwöyikwo ompö salata Tororöt.

1 KORINTO 6:20 ပူးပေါင်းရင်းမြစ်များ

ISAYA 44:22

Kamistan ngokiku kïtuyö le polta. Mïlena wölo omitan, ompöwölo ani nyo kosörwokwa.”

MATAYO 5:16

Akanya nyu kulïwunö löpoyïntöngwo tawu pich atökïsïwa chane ighisyewutkökwa cho karamach atökïsal Papongwo nyo mi yïm.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

RUMI 12:1

Kïlenyona, tupchenichu, ompöwölo wow nyoman kisyonöto Tororöt, osomokwa ompö mïkulöwunyu kïmïkul lö, otötenö porwöyikwo kïlïkwï tïsöwon nyo satate ompö Tororöt, tïsöwon nyo tïlil akï nyo ngörokini nyinte. Arenkwa nyoni nyo tenate nyo pö saghat.

RUMI 6:19

Kanya opöghisyeghan ngalechaye pöghisyegho pich su, atö kïpköchokwa ompöwölo ochikwa nyörkölöl. Kimi ato kyotötekwa kegh lasiny opöghisyechï sïmnyontön nko ghöyityö ompö möchut cho ghach. Kïlenyona ye nyu, otötenö kegh lasiny le sekeyi man ompö möchut cho tïlilöch.

1 KORINTO 10:31

Kïlenyona nyu ato koghöy kïgh anka tïkwïl, ato komisïyi anta kogheghsïyi agh choni löwïr ompö ororyo Tororöt.

1 KORINTO 7:23

Kikyalakwa ompö olyot nyo wow. Malïkune nyu sekeyi pich.

KALATIA 3:13

Wölo kityakenecha Kristo chïpo kirurut otini kikasan nyinte chïpononi ompö acha. Ompöwölo mwoghöy Kikirut lö, “Chïpote chi anka tïkwïl nyo kiwuso ket.”

PILIPI 1:20

Otïngetan machat nyo wow nko kikönöt lö, mosïkanye arasï ompö ighisyenyu, wölo ongölonan ompö nyakanat, osis otö Kristo konyït ompö portanyu kïmïkul ato kötosöpan anta kameghan.

EPRANIA 9:12

Otini kilït Kristo emanoni kïwö Wölo Tïlil Tya, akilït kïnyïl akonga kïpoto, kïmelö kip kisön pö ngaror nko cho pö mogh atökïropta amöros, wölo kip kisönkachi kegh cho kyala sörunötenyo nyo pö kokay.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.