1 KORINTO 6:11 - PIPÏLIA

¹¹ Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

1 KORINTO 6:11 ပူးပေါင်းရင်းမြစ်များ

TUMWÖY 51:2

Iwunante lasiny ompö ghöyityenyan aitïlilante ompö ngokichan.

TUMWÖY 51:7

Mwata ngokichan atotïlilitwan, wunante atorelitwan löpöt!

NGÖTÏNYÖ 30:12

Kimi pich cho tïlilöch ompö konyikwa kegh, wölo tomöcha kewunö sïmnyontönengwa.

ISAYA 1:16

Owunö kegh atotïlilitunö, awirteghena wölo omitan ghöyityö,

ISAYA 45:25

Otöninan ante ECHOTYON rïntagh monïngo Israel atökïkonanïn chane konyït.”

ISAYA 53:11

Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

ESEKEL 36:25

Atolapay opïspisyokwa pögh cho tïlilöch totïlilitunökwa ompö sïmnyontönengwa nyo mamïnïng nyo pö körkeyïntinekwa löwïr.

LAWIN 14:48

“Wölo ato ngwïn tïsin kuros kot ato möghömïnye rirïm kot, otini kikemal, kïmwatïta nyu tïsin lö melö sïmnyon ompöwölo kingeta rirïm.

LAWIN 8:6

Atolapay kïkur nyinte Aron nko werkachi kïpka tagh akïmwata pögh.

MATAYO 20:4

Kïlenchï, ‘Ape tïkwïl angora parenyan pö sapipun okonokwa kïgh nyo mïchini.’

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

YOANA 13:10

Kïlenchï Yeso, “Chi anka tïkwïl nyo kakuwun kegh, kïmökïmökönye kuwunöy kegh ngat, kïpoto kelyechi, ompöwölo wunote nyinte. Ochikwa tïlilöch, wölo melö akwa löwïr.”

YOANA 13:8

Kïlenchï Petro, “Mewunenyinye kelyechan kokay.” Kuyokyï Yeso nyinte lö, “Kwato mowunönye kelyeku kïmelö telïkunenyi kinetanenyan ngat.”

YOANA 5:4

ompöwölo kiröku malaykayan asistanka akwigh ngarpïlun kïwïch pögh. Tö ato lït chi nyo pö tagh pöghechoni otini kawïch, kesopö nyinte sömew anka tïkwïl nyo kötïng.]

IGHISYEWUT 13:39

ankïtï nyu lö anka tïkwïl nyo ghönöy nyinte, ketyoko ngokichi löwïr cho kimemuchönye kutyoköy Kirurut pö Musa.

IGHISYEWUT 22:16

Akï yeo, ne nyo iköngenyi? Ngeta kepatisanïn atökemwötun ngokiku otini ikurenyi kaynata Echotyon.’

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 3:24

Wölo ompö ropöwonto pöropcho Tororöt, muko nyu keyityï pich man ompö Kristo Yeso nyo le kityokintengwa.

RUMI 4:5

Wölo chi nyo twoytoy kegh kighanatenyi amelö ighisyewutkachi akughan Tororöt nyo löstoghchini mwokïyis, kï konyïtöy Tororöt kighanatenyi akuyityï man ompö tawunyi.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

RUMI 5:9

Kïlenyona ye nyu otï kikeyityecha man ompö megha Kristo, mösörwechanye nyinte ompö nörekyo Tororöt ato rwokyini pïchï?

RUMI 8:30

Kïlenyona nyu, pïchoni kikïl nyinte kïngeta otini le könyisyok, cho kikïkur, akï pïchoni kikïkur cho kiyityï nyinte man, akï choni kiyityï man cho kitö kïgham ororyenyi.

RUMI 8:33

Ngo nyu nyo rwokyini kïlanpa Tororöt nya? Puryö, ompöwölo Tororöt nyinte nyo kakïmwa lö, mötïngcha chane lelut.

1 KORINTO 1:2

Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

1 KORINTO 12:2

onkïtökwa lö atanye kitomönye kesörwokwa, kikichutokwa opotyenö asaghata körkeyïntin cho le kwïle.

KALATIA 2:16

Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 3:11

Rumu ye nyu lö möminye chi nyo tenöy nko Tororöt ompöwölo kikikir lö, “Söpöy chi anka tïkwïl nyo kakegh kuten nko Tororöt ompö ara kighanat.”

KALATIA 3:24

Kïpaytecha nyu kirurut tökïtenö kwitï Kristo atömanyïl keyitwech man ompö tawu Tororöt ompö kighanat.

KALATIA 3:8

Kinya Kikirut kïngor lö ighöy Tororöt pipö punton kutenöy nko nyinte ompö kighanat. Nka nyoni kinya Kikirut kïmwochï Apraam Lökoy cho Karamach lö, “Soyönöy Tororöt punton löwïr ompö nyi.”

EPESO 5:26

Kigh lenyoni atökïmwat akutïlilchï Tororöt kanisa otini kikikuwany kuwunö pögh nko ngölyontenyi,

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

2 TESALONIKE 2:13

Mïchinecha keyokyine Tororöt sörö kïnomnyö ompö akwa, tupchenicho akwa chona kichamak Echotyon, ompöwölo kikïlakwa Tororöt kïngeta towunöt atonyorunö sörunöt ompö owesyo Mïkulögh atökeghakwa alïkuna pikachi cho tïlilöch ompö kighanat nyo pö ngölyonto man.

EPRANIA 10:22

Akanya nyu kerika wölo mi Tororöt ompö mïkulögh nyo pö man nyo tïng kighanat nyo mötïngnye tomtomönöt. Kaketïlilwecha mïkulisköcho kïngetunö sïkunöt nyo gha akemwata porwöyicha pögh cho tïlilöch.

EPRANIA 10:29

Anane nyu lasiny lö nyarïl nyo ngwan kïtya nyo sïköy pich cho sösöy Wero Tororöt akïsas kisön pö muma Tororöt cho mwöto pich ngokï akuswom Mïkulöwu Tororöt nyo ipu pöropchö.

EPRANIA 2:11

Nyinte nyo tïlilöy nko chane cho kitïlilöy kïtïng löwïr apite akonga nko nyinte. Nka nyoni mösïwïyinye Yeso arasï kïkurö chane tupchenichu.

1 PETRO 1:2

Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 3:21

Kicheng ngalechoni körkeyïn pö kipatisanat nyo sörwokwa otï le ye ompö owesyo Kristo. Molenchï kegh kipatisanat kï kemwatïta sïmnyonto por, wölo ayomis nyo kïmwochini Tororöt ompö choghïn. Sörwokwa kipatisanata ompö kitutunöto Yeso Kristo,

1 YOANA 2:12

Kakirwakwa monechï mïnkech, ompöwölo kikelöstowokwa ngokikwo ompö kaynata Kristo.

NGONGUT 1:5

nko cho pkono Yeso Kristo, söwin nyo ghanate nyo pö tagh kututunö ngwen akï nyinte nyo pöytoy pöytoghi ngwïny kïmïkul. Chömecha nyinte akutyakecha ompö meghenyi kengetunenö rötut pö ngokicho

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.