1 KORINTO 5:8 - PIPÏLIA

⁸ Kyama nyu ichonto Pasakenyo, amökyam nko makatyan nyo kaketö mumara köny cho pö ngokï nko ghöyityö, wölo nko makatyan nyo puryö mumar, nyoni kï makatyanta tïlilyö nko man.

1 KORINTO 5:8 ပူးပေါင်းရင်းမြစ်များ

TUMWÖY 32:2

Soyönote chi nyo melö tökuyitini ECHOTYON lelut, chi nyo melö tökïtïng lïsat ompö ngalyapunyi.

TUMWÖY 42:4

Wongu mïkulöwunyan ato ananan cho kakuwer, ato kyonomnyotan nko söpïchis, antöghoghchan kelïtöy Kö pö Tororöt* aketeghyotoy ompö ngörekyö nko tumwöyi kiyokyinogh pö sörö, akimi nyu pich ichon kwen!

WUWÖT 12:15

Kïlö ECHOTYON, “Omekwa makatin cho puryö mumar ompö osis mut nko odeny, onoteghokwa asisto tagh mumar ompö korikwa, ompöwölo ato am chi makatyan nyo kakitö mumar kïngata asisto tagh ntökwit nyo pö mut nko odeny, kepesyot chichoni ompö pipö Israel.

WUWÖT 12:19

Mömicha mumar cho kïnyorchini korikwa ompö osis mut nko odeny, ompöwölo ato am chi makatin cho kakitö mumar, kepesyot ompö pipö Israel, ato kö ton anta chito kore.

WUWÖT 12:8

omöy chane pentö aghononi nyo kakïpel nko makatin cho puryö mumar nko onkïy cho ngwonöch.

WUWÖT 13:6

Omekwa makatin cho puryö mumar ompö osis mut nko odeny akïmito ichon nyo pö ECHOTYON ompö asispa mut nko odeny.

WUWÖT 13:7

Kyomöy makatyan nyo puryö mumar ompö osis mut nko odeny. Möminye makatyanta nyo mi mumar nyo kïsöchinokwa, makany kesöchï mumar korengwo.

ISAYA 25:6

Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.

ISAYA 30:29

Wölo ongörekyokwa cho ochï pipö Tororöt, atum le wölo odokwa nangat ato kyomöy akor nyo tïlil. Ongörekyenö le pich cho kutöy pkurerun akïpetöy kïpustoy Kö pö ECHOTYON Tororöt nyo le ghetöy Israel.

LAWIN 23:6

atolapay asispa taman nko mut nyo pö arawanoni kïlïku asispa Ichon pö makatin cho poryö mumar ompö ECHOTYON. Omekwa makatin cho mömicha mumar osis mut nko odeny.

MATAYO 16:12

Atolapay kunkïtï kinetankachi lö melö kirirchini nyinte chane lö orip kegh mumar cho kïpöghisyegho ompö makatin, wölo kimököy chane kïripo kegh kinetut pö Parisaytin nko Sadukaytin.

MATAYO 16:6

Kïlenchï Yeso chane, “Orip kegh mumara Parisaytin nko Sadukaytin.”

MARKO 8:15

Kunet chane lö, “Oripö kegh, mumara Parisaytin nko cho pö Erode.”

LUKA 12:1

Ataye kokay, kighömïtyï kegh pich cho makïrar kipka wölo mi Yeso ntökïtïk kegh chane. Atolapay kïngalan Yeso ngalechï kutang kinetankachi lö, “Orip kegh mumara Parisaytin.* Nyoni kï chepölkösnönengwa.

YOANA 1:47

Otini kisïwa Yeso Natanael kungwïnchini nyinte, kïlö ompö, “Rose köny! Anyï chi pö Israel nyo pö man nyo möminye lïsata orinyi!”

1 KORINTO 3:3

Ompöwölo tomitenökwa le pipö ngwïny, ompöwölo ato man lö tökïmi kwenunkwa sastagh nko syala, kïmeporunye nyoni lö tochikwa pipö ngwïnyï? Poru ngalechoni nyo nyoman lö tochikwa pich cho rïpöy ara por amitekwa orïpöy otöptino pich cho pö ngwïnyinï.

1 KORINTO 5:1

Mi man, lö mi kwenunkwa ngala cheporesanan, akï cheporesnan nyo gha nyo tomönye ompö kelïmchï pich cho menkït Tororöt. Kakemwowanïn lö mi chi akong ompö akwa nyo katakalan nko korketo kwanta!

1 KORINTO 5:6

Melö mïchinokwa okwole kegh! Monkïtökwanye so lö kutu mumar cho le tïkwïte pïsya cho chang cho kïmimïghöy kegho makatin?

2 KORINTO 1:12

Kïkwolecha kegh ompöwölo söwintönchini mïkulöwecha lö, kakemangacha ompö tïlilyö nko kitenat, mïr tya atanya kimitecha nka akwa. Melö kintöghoghwecha ngöghomnyo ptangengmöt kïpoto pöropcho Tororöt.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

EPESO 6:24

Nya kïtöpö pöropcho Tororöt nko pich lapay cho chömöy Echotyontenyo Yeso Kristo ompö chomnyogh nyo mewonyotnye.

KINONO KIRURUT 16:16

“Pkonöy piköku löwïr cho le mïrön wölo mi ECHOTYON Tororötïngu kïnyïl sömök ompö köny anka tïkwïl ompö wölini kakïl kesagha nyinte, ompö Ichon pö Pasaka nko Ichon pö Ilö nko Ichon pö Tunkun. Mekany kïpka pich wölo mi ECHOTYON Tororötïngu nko morïn cho tïryolöch.

KINONO KIRURUT 16:3

Akwotini omenyi omisyononi, meam nko makatin cho kakitö mumar, omenyi osis mut nko odeny makatinechoni, choni kï makatina kichopat, ompöwölo kirïpuneninyi koro Misri. Atenana ompö osisweku löwïr asisoni kiwuwunenyi koro kichopat.

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.

1 PETRO 4:2

Kïlenyona nyu ye mïchinokwa, ompö osiswekwa cho köngötï ompö ngwïnyinï otïpinö kïrïp kegh nko machata Tororöt, amelö kïrïp kegh nko pïrchin pö ptangengmöt.