1 KORINTO 5:11 - PIPÏLIA

¹¹ Wölo kyakirwekwa lö motuyö kegh nko chi anka tïkwïl nyo lentöy ochï kighönin, akwanyï cheporesyan nyinte anta che pö mu anta soghöy körkeyïntin anta mwosïyi anta tömösin anta chorin. Motöp ntomisyö ompö nko chi nyo lata nyoni.

1 KORINTO 5:11 ပူးပေါင်းရင်းမြစ်များ

TUMWÖY 10:3

Kwolo kegh mwokïyon pïrchinoghto mïkulöwunyi, chïpöy chi pö mu ECHOTYON akïtöghöy nyinte.

TUMWÖY 101:5

Opöran chi nyo swomöy pöröryenyi sison amomïkukönchinanye pkatis nko menot.

ESEKEL 22:12

Chengöy pich ompö nyi asoya tökïmïlta kisön, ghoköy walaka yiyöwo ropïyen cho kemangta lö tökesïkönonö, akyowutyeghanïkwa. Mwoghöy Echotyon TORORÖT.

MATAYO 18:17

Wölo ato möterchïnye chane, imwochï kanisa. Kïkany ato möterchïnye kanisa, oyit nyu nyinte kïkarkegh nko chi nyo menkïtnye Tororöt akïkarkegh nko kwöghinto surï.

MATAYO 23:25

“Heywey akwa koneti kirurut nko Parisaytin! Lïsï! Omwötekwa kikompa nko sani wölo le sany kwanyï nyïghïtate masata nko cho kakïsara pich.

LUKA 18:11

Kughyongö Parisayontonay ato le tagh akïsagh lö, ‘Oyokunyi sörö, Tororöt, ompöwölo moköranye kegh nko pikö walaka cho le chelölos, cho ghach anta cheporestin. Malatanye ompö kwöghintoninö pö surï.

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

IGHISYEWUT 1:15

Kughyongö Petro osiswechoni tawu kighönï cho kingata 120 akïlö,

IGHISYEWUT 9:17

Kïlenyona kïwö Anania, kïlït kö, akukanagh ewunechi Saulö. Kïlenchï, “Tupchenyu Saulö, köyonwanïn Echotyon Yeso, nyoni kichumchinyi ompö or otini kengwïnenyi yi. Köyonwanïn angwïn wölo imitenyi atemuka rosïtena ngat, akenyïghitïn Mïkulögh nyo Tïlil.”

RUMI 13:13

Kemöngisyenö ompö or nyo tenate, le pich cho pestegho löpoyïn pö pöghet. Melö ompö aketagh kïsamta nko tamasa anta sïmnyontön nko cheporesnan anta syala nko sastagh.

RUMI 16:17

Osomokwa nyoman, tupchenichu lö, oripö kegh pich cho ipu chuniogh akwigh pikö walaka kupïtyö ompö kighanatengwa, nyo kötörïpöy kighanat nyo kikinetakwa. Olowitenö kegh chane,

1 KORINTO 10:14

Kïlenyona, chamankachu, olowitenö kegh saghata körkeyïntin.

1 KORINTO 11:21

Ompöwölo otini omisïyekwa, kwomöy chi anka tïkwïl omisyenyi onkït, tö ato mi löt nyu, kudong pikö walaka nko kömöy, kï kitömesyö walaka!

1 KORINTO 5:13

Kurwokyï Tororöt chane chinö mi sany. Kïlenyona ayona mwokïyis ompö kwenungwo.

1 KORINTO 6:10

anta mosï anta sïköyö anta ptamasis anta kiswomï anta chorï.

1 KORINTO 6:6

Nyo kötölïku nyoni, kwip kighönintö werïngwa ka kirwok kïmut ngalekwa pich cho melö tïng kighanat.

1 KORINTO 6:9

Anta monkïtökwanye lö mönyorucha pich cho ghach Pöyunöto Tororöt? Malïs kegh! Melö nyoru Pöyunöto Tororöt pich cho le cheporesay anta cho soghöy körkeyïntin anta ptakalis anta kalomök

1 KORINTO 7:12

Omwochinan ante pikö walaka (amelö Echotyon), lö, ato tïng mïrönö nyo kakughan Kristo* korka nyo tomönye kughan akïcham kokononi kïtöpö nko nyinte, kïmömïchininye kutyak.

1 KORINTO 7:15

Wölo ato mach nyinte nyo melö ghanate kïpïstö nyinte nyo ghanate, kïpïstö pat. Tyoko nyu chichoni anta kokononi ghanate, ompöwölo kökurokwa Tororöt otïpinö ompö kalya.

1 KORINTO 8:11

Kïlenyona, potöy chichoni nyarkalal le werïnkwa kimegha Kristo akwompö kinkïtötengu!

KALATIA 2:12

Ompöwölo kitökwomisïyi Petro nko piko puntoni walaka otini kitomöcha kwitï pich cho kiyonï Yakopo. Wölo otini kitï pïchoni pö puntoni walaka kïtagh kwomisyö nko chane ompöwölo kiwagh pich cho kimököy lö töpa tum pipö punton tïkwïl.

EPESO 5:18

Motömesyeghö kumïn, ompöwölo wonyokwa, wölo akanya kenyïghitak Mïkulögh nyo Tïlil.

EPESO 5:5

Onkïtï nyoman lö, möminye chi nyo le cheporesyan anta nyo le sïmnyon anta nyo pïrchini tïpö pich (ompöwölo pïrchin kï saghata körkeyïntin), nyo nyoru kïgh ompö Pöyunöto Kristo nko nyo pö Tororöt.

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

2 TESALONIKE 3:14

Töptoy omitekwa nko chi nyo melö rïpöy ngal cho kakikirchicha palalyantanï. Ato lenyoni, onkïtï lö ngo chichoni amapesïta tïkwïl nko nyinte atökïsïch nyinte arasï.

2 TESALONIKE 3:6

Kisikyinokwa, tupchenicho ompö kaynata Echotyontenyo Yeso Kristo lö, olowitenö kegh chi anka tïkwïl nyo ochï kighönin lentöy kikesörwech akï sosö amelö rïpöy kinetutköcha cho kikïmwowokwa.

1 TIMOTEO 3:3

chi nyo melö ptamasyan anta poryeghin wölo nyo talase akï chi pö kalya, chi nyo melö chömo kegh ropïyen.

1 TIMOTEO 6:5

nko chemölö nyo pö ngal cho möngötöy cho pkono pich cho kikïwïryö kinonut, amökïtïngcha ngölyonto man. Lenchini kegh chane keghan Tororöt kï or nyo kïsïko mökosyö.

2 YOANA 1:10

Kïlenyona, ato ngwïnchekwa chi nyo mepunye kinetutchete, orip kegh matacha nyinte korikwo, amatakwes ompö.

NGONGUT 2:14

Wölo mi ngala tïkwïte cho otïngetan ompö nyi mi pich kwenunkwa cho rïpöy kinetut pö Palaam nyo kinet Palak kïkïnkïn pipö Israel kwigh ngokï kwam omisyewut cho kikïropchï körkeyïntin, akunet chane kwigh cheporesnan.

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.

NGONGUT 21:8

Wölo cho nyökoröch nko cho melö tökughönöy Kristo* nko cho kisïmnyontön ngokï nko cho le pörï nko cho le cheporestin nko cho le ponï nko cho soghöy körkeyïntin nko putï löwïr. Wölo kimïchï kïpa pich cho lata choni kï nanam nyo nögho ma nko koghïn cho nöghsot akï nyoni kï meghat nyo pö odeny.”

NGONGUT 22:15

Wölo kïkorchini sany pich cho pochï otöp nyo lata nyo pö kukïdin nko ponï nko rïmï nko cho soghöy körkeyïntin nko cho chömo kegh putintön.