1 KORINTO 4:17 - PIPÏLIA

¹⁷ Nka nyona koyonwokwa Timoteo. Montönyan nyinte nyo le chaman, akï ghanate ompö ighisyenyi nyo pöghisyechini nyinte Echotyon. Nonwekwa nyinte ortïnechan ompö Kristo le otini onetan kanisen löwïr ompö woptin löwïr.

1 KORINTO 4:17 ပူးပေါင်းရင်းမြစ်များ

NGÖTÏNYÖ 13:17

Ipchini pich tapan kiyoktoghintö nyo gha, wölo ipu sopön kiyoktoghintö nyo ghanate.

KIYITUT 12:7

Wölo sis ompö mötworintenyan Musa, ompöwölo kotönön nyinte kuntöghoghchï piköchan pipö Israel.

MATAYO 24:45

Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö?

MATAYO 25:21

Kïlö echotyontenyi, ‘Karam, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ghyongchinö tïkwïn cho chang. Nyonö kengörekyenö tïkwïl.’

MATAYO 25:23

Kïlenchï, echotyontenyi, ‘Karam nyoman, ichinyi mötworin nyo karam nyo kighönöy. Kelïkunyi chi nyo kighönöy ompö tïkwïn cho ngörï, oghinyi ye ghyongchinö tïkwïn cho chang. Nyonö atökengörekyenö tïkwïl.’

IGHISYEWUT 16:1

Kïrutö Paulö kutang Derpe nko Lustra wölo kimi kighönintö nyo kikuro Timoteo. Ki chi pö Yaudi kame akï nyo kikughan Kristo,* wölo ki chi pö Krik kwanta.

1 KORINTO 11:16

Ato yöröy chi kwipu kimölöt ompö ngölyontononi, kïmïchini nyinte kunkïtï lö melö kïtïngetecha apite anka nyo pö saghat, amelö tïng tïkwïl kaniseni Tororöt.

1 KORINTO 11:2

Osölokwa ompöwölo ononanïkwa ompö ngal lö poy, arïpekwa kinetutchay kyorurokwa.

1 KORINTO 11:34

Akwoto mi chi anka tïkwïl nyo amate kömöy, kwomisyö ompö katanyi, atömonyorï kirwok otini oghömsot. Kïkany ngale walaka cho köngötï, ongwïnan osötöy ato atwan.

1 KORINTO 14:33

ompöwölo Tororöt kïmelö Tororöt pö kiwulyot, wölo pö nyinte kalya. Kïle wölo lata kaniseni Tororöt kïmïkul,

1 KORINTO 16:1

Omwoghan ye nyu kïparta pasa ropïyen cho kingöroko pipö Tororöt: agha le nyaye kyomwochan kaniseni Kalatia.

1 KORINTO 16:10

Ato ngwïn Timoteo korenkwa, makany kïsïch nyökoryö nyonikïny otini omitekwa tïkwïl, ompöwölo ighöy nyinte ighisyo Echotyon le ani.

1 KORINTO 4:14

Melö kakirwakwa ngalechï lö tonyorunökwa arasï, wölo tanetakwa le monechu cho ochömöy.

1 KORINTO 4:15

Ompöwölo kïrkegh kotïngetekwa kintöghoghï cho möngörï ompö otöptönkwa nyo pö Kristo, kïmelö otïngetekwa papotïn cho chang. Ompöwölo alïkwan paponkwa ompö Kristo Yeso ompö ara Lökoy cho Karamach.

1 KORINTO 4:2

Kïgh nyu ngat nyo kïmöko komönini anka tïkwïl kï kighanat.

1 KORINTO 7:17

Mïchini kïtöpö chi anka tïkwïl kïrïp kegh nko ropöw cho kiropchï Echotyon akïtöpö le wölo kilata nyinte otini kikur Tororöt. Omwochinan nyu kanisen löwïr lenyoni.

1 KORINTO 7:25

Motïngetanye ye nyu kichiköt nyo ngwïno wölo mi Echotyon ompö kor cho kïltït nko mïsïktin, wölo okonunan kinonutyenyu ante nyo kakusyonchï Echotyon alïkwï chi nyo kighönöy.

2 KORINTO 8:18

Kakïyonucha nyinte kungwïn nko werïnyo anka nyo rumunote salatenyi ompö kanisen löwïr nyo pö amtaghpa Lökoy cho Karamach.

EPESO 6:21

Mwowokwa werïnyo Tukiko ngalechan nyo le chaman akï mötworinto Echotyon nyo ghanate atamukakwa nyu onkïtunö wölo alatan.

PILIPI 2:19

Okönan lö ato cham Echotyon oyonunan Timoteo kungwïn wöloni ato lekït atökukilanïn mïkulögh lökoyö cho pkono wölo omitekwa.

PILIPI 2:22

Onkïtökwa tïkwïl lö kikuporï nyinte nyakanatenyi ompö amtaghpa Lökoy cho Karamach. Kipöghisyö nyinte nko ani ompö amtaghata Lökoy cho Karamach le weri nko kwanta.

KOLOSAY 1:7

le wölo kinetïtakwa werïnyo Epapra, mötworinto Kristo nyo kïchömöy akepöghisïyi tïkwïl. Mötworin nyinte nyo ghanate akwompö tösunötencha löwïr.

KOLOSAY 4:9

Ngwïnöy nyinte nko werïnyo Onesimo, chito korenkwa nyo ghanate tökïmwowokwa wölo lata ngala ompö wölete kïmitecha.

1 TIMOTEO 1:18

Kokoninyi kiyomisötonï, werïnyu Timoteo, kïrïp kegh nko ngala werkoynön cho kikïmwa kutöngunyi. Pöghisyeghenö ngalechoni le kari lïk, atemuka poryenö poryot nyo karam.

1 TIMOTEO 1:2

Ompö Timoteo werïnyan nyoman ompö ara kighanat: Nya kïkoninyi Papo Tororöt nko Kristo Yeso Echotyontenyo, pöropchö nko kisyonöt nko kalya.

2 TIMOTEO 1:2

Kakirunyi werïnyu Timoteo, nyo ichï chamanenyan. Nya kïkonïn Papo Tororöt nko Echotyontenyo Kristo Yeso, pöropchö nko kisyönöt nko kalya.

2 TIMOTEO 2:2

Neta kinetut chanya kilïmanyi omtonan ompö tawu söwï cho chang, aionkoghchï pich cho ghonote atökumï tïkwïl kunet pikö walaka.

2 TIMOTEO 3:10

Wölo nyi Timoteo, olentan kinkïtunyi kinetutköchan nko otöptönyan nko kerötenyan ompö möngot nko kighanatenyan nko mïkukönötenyan nko chomnyenyan nko kamaghatenyan.

TITO 1:5

Kyopïsyinyi Krete atesata lasiny tïkwïn cho roko kegh, aikïl poy cho ghyongchini kanisen cho mi kanastin löwïr, lenyini kyomwowunyi.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

NGONGUT 2:13

“ ‘Onkïtön wölo imöngenyi, wölo mi ngacharu Onyöt nyo pö paytagh. Irïpenyi ngalechan nyoman amelö kipïstenyi kighanatengu ompö ani, ompö osiswechanye kipar kipöroy pich Antipa söwintenyan nyo ghanate, kikïpara nyinte kwenunkwa wölini möngöy Onyötö.