16 Kïlenyona, osomokwa lö arïpa otöptönyan.
Arïpanïn nyu, le wölo orïptonan Kristo.*
Tupchenyu, arïpa wölo otöptonan, ompöwölo kikeporwokwa körkeyïn nyo karam, arïpa nyu pïchoni rïpöy körkeyïnoni kikeporucha.
Agha tïkwïn cho kyanetakwa kegh atakakwa alïmakwa asïwekwa ompö ani. Atökïtöpö Tororöt pö kalya nko akwa.
Kyarïpakwa otöptöncha nko nyo pö Echotyon akï kïrkegh kyowongukwa nyoman, wölo kyatachakwa ngölyontononi ompö ngörekyö nyo kikonokwa Mïkulögh nyo Tïlil.
Kikighacha lenyoni melö ompöwölo kimökïtïngetechanye man nyo kikïsïko akwa kingarakat, wölo kikighacha lenyoni tökïlïkwï körkeyïn nyo orïpekwa.
Anan kintöghoghikwa cho kipö tagh cho kyomwokwa ngölyonto Tororöt. Anane wölo kitöptoy chane, atarïpa kighanatengwa.
Mapayta ompö charut choni kikekonokwa ayakwïya, wölo alïkuna akwane körkeyïn nyo rïpöy kechiryechoni.
