1 KORINTO 4:14 - PIPÏLIA

¹⁴ Melö kakirwakwa ngalechï lö tonyorunökwa arasï, wölo tanetakwa le monechu cho ochömöy.

1 KORINTO 4:14 ပူးပေါင်းရင်းမြစ်များ

ESEKEL 3:21

Wölo ato iteghchinyi nyinte megh ngokï, kï mömeghönye, akichïwitanyi isörï kegh.”

IGHISYEWUT 20:31

Otïpï kïpsach, anan lö kyanetakwa lapay ompö lok cho chang nangat nko pöghet ompö könyis sömök.

1 KORINTO 15:34

Ochïkonchenö, alet tagh otïpï otöp nyo karam, amagha ngokï ngat. Kamwaghan ngalechoni ompöwölo mi kwenunkwa pich cho menkïtcha Tororöt. Onyorunonekwa ngalechoni arasï komwowokwa.

1 KORINTO 4:15

Ompöwölo kïrkegh kotïngetekwa kintöghoghï cho möngörï ompö otöptönkwa nyo pö Kristo, kïmelö otïngetekwa papotïn cho chang. Ompöwölo alïkwan paponkwa ompö Kristo Yeso ompö ara Lökoy cho Karamach.

1 KORINTO 4:17

Nka nyona koyonwokwa Timoteo. Montönyan nyinte nyo le chaman, akï ghanate ompö ighisyenyi nyo pöghisyechini nyinte Echotyon. Nonwekwa nyinte ortïnechan ompö Kristo le otini onetan kanisen löwïr ompö woptin löwïr.

1 KORINTO 6:5

Kosïkökwa akwane arasï! Poru so nyoni lö möminye chi nyo le ompö akonga kwenunkwa nyo ngöghom nyo muköy kïsötöy kömpölelyo pipö kanisa?

1 KORINTO 9:15

Wölo tomönye opöghisyeghan mantinechoni ompö nyo le akonga. Amelö okiran ngalechete lö tosïch mantinechoni, ompöwölo kötökaykay ameghan kïtïl aghan chi anka tïkwïl kïchengenanïn mantanyu nyo okwolo kegh kïlïkwï kwïle.

2 KORINTO 11:11

Ekwompö ne köny tomwoghan lenyoni? Kamwaghan so lenyoni ompöwölo mochömokwanye? Nkït Tororöt lö ochömokwa.

2 KORINTO 12:19

Töptoy olentekwa kïmitecha keghetöy kegh nko nyete le ye ompö tawunkwa! Wölo kïmwoghocha ngalechoni tawu Tororöt otini kakeghömecha nko Kristo akï kïgh anka tïkwïl nyo kighecha chamankachu, keghecha atökungarakakwa.

2 KORINTO 7:3

Melö kamwaghan ngalechoni lö torwokyï chi, ompöwölo kïle ataye kyanyaghan amwagh lö, kïchicha kongotikwa amitekwa mïkulöwecha nyo ato kïmeghö, kemeghö tïkwïl anta kïsöpchö kesöpchö tïkwïl.

KOLOSAY 1:28

Nka nyoni kyomchinecha Kristo pich lapay. Kïrirchinecha akenetöy chane ompö ngöghomnyö anka tïkwïl atömanyïl kemïtï ompö tawu Tororöt chi anka tïkwïl nyo kikïkil ompö Kristo.

1 TESALONIKE 2:11

Onkïtökwa lö kikighchicha chi anka tïkwïl ompö kwenunkwa le wölo köteghchini papo monechi kegh.

1 TESALONIKE 5:14

Akesoghokwa ngat tupchenicho lö, aneta pich cho le soson, akil cho nyökoröch, angarak cho nyörkölöl, amïkukön nko pich löwïr.

2 TESALONIKE 3:14

Töptoy omitekwa nko chi nyo melö rïpöy ngal cho kakikirchicha palalyantanï. Ato lenyoni, onkïtï lö ngo chichoni amapesïta tïkwïl nko nyinte atökïsïch nyinte arasï.

PILEMON 1:10

Kïlenyona, osominyi kingörokut ompö Onesimo nyo le werïnyan ompö Kristo, ompöwölo kyalïkwan kwanta ompö ara mïkulögh omitan chela.

1 YOANA 2:1

Kakirwakwa ngalechï monechu kïle nyo wow ompö akwa, atömagh ngokï. Wölo ato igh chi ngokï, ketïngetecha kingörokin nyo ighöy man, Yeso Kristo* nyo ipöy soghutköcha wölo mi Papo.

3 YOANA 1:4

Möminye kïgh nyo konanïn ngörekyö nyo wow kïsir alïman lö tïpisot monechan ompö man.