1 KORINTO 4:12 - PIPÏLIA

¹² Kïsïngonecha ighisyewut cho kighonecha moricho. Kisoyönecha pich cho chopecha kong akemïkukönöy ato mïrchecha chane put.

1 KORINTO 4:12 ပူးပေါင်းရင်းမြစ်များ

MATAYO 5:11

“Ochikwa soyönote ato chïpokwa pich akuchopokwa kong akïngalanenekwa ngal cho ghach ompö putintön, akwompö ani.

MATAYO 5:44

Wölo omwowokwa ye nyu lö, ‘Achama punkökwo asoghchï pich cho chopokwa kong,

LUKA 23:34

Kïlö Yeso, “Löstoghchinö chane, Paponyu, ompöwölo menkïtcha kini ighöy.” Kuporchï kegh sïrokachi, kïpöghisyeghö kura.

LUKA 6:28

Osoyönö chane cho chopokwa kong asoghchï chane cho mwoghekwa.

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

IGHISYEWUT 18:3

akumpur nko chane akïpöghisyö tïkwïl ompöwölo ki nöpinto emen nyite le chane.

IGHISYEWUT 20:34

Ankïtökwa akwane lö kyopöghisyeghan ewunechan chete atonyorï möchutköchan kegh nko cho pö pich cho kyomitan tïkwïl.

IGHISYEWUT 7:60

Kïkïtïng akuta ompö kut nyo wow lö, “Echotyon meyityï chane ngokichete!” Kïkany kuwany ngalechoni kïma.

RUMI 12:14

Osoyönö chane cho chopokwa kong, osomchinö kisoyönöt, mochïp.

RUMI 12:20

Akïmwoghöy ngat Kirurut cho Tïlilöch lö, “Ato amate punyontengu kömöy, ipagh. Ato amate maral, itö pögh. Ompöwölo ato ighanyi lenyoni, kï keghanyi nyinte kïsïch arasï nyo ngwan le ngöset cho nöghsot ompö mötïnyi.”

RUMI 8:35

Ekï ngo nyu nyo muköy kupesyecha nko chomnyo Kristo? Muköy nyarïl anta kömpölelyö anta kichopata kong anta kikar anta meywontön anta tapan anta meghatï?

1 KORINTO 9:6

Anta ani nko Parnapa opïn cho kïpöghisïyi akepöghöy kegh?

2 KORINTO 11:8

Kipaghanïn kanisen walaka atanye kyopöghisyewokwa lata nyoni ato kyasaran kanisenichoni tïkukwa atömanyïn angarakakwa.

EPESO 4:28

Nya kïpïstö chorin chorsyö akïpöghisyö atökïsïch kïgh nyo poröy nko nyo chopöy.

1 TESALONIKE 2:9

Ononekwa tupchenichu, wölanye kikinoghyecha kïlïkwï, kikïpöghisyecha pöghet nko nangat atömökïkonokwa nïkisïn ompö omisyewut otini kikïmitecha kyomwokwa Lökoy cho Karamach cho pkono wölo mi Tororöt.

2 TESALONIKE 3:8

Melö kikyamacha omisyo chi anka tïkwïl amökïghaktecha. Nyinö kitökyomecha kwïle, kesïngacha nangat nko pöghet atömökitö nïkisïn chi anka tïkwïl ompö kwenunkwa.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

1 PETRO 2:23

Kikimwa nyinte, wölo kimöwöghökyïnye chane ompö kimwoghsyö. Otini kiwongu nyinte, kimelö kyotyeghö pïchoni kichopöy, wölo kitö kikönötenyi wölo mi Tororöt nyo rwokyini pich kong ompö man.

1 PETRO 3:14

Wölo kïrkegh kakinyarilakwa, ompöwölo kaghakwa nyo karam, wowitu atoni kïtya ngörekyö ompö akwa! Mawagh chi nyonikïny, amakany kususekwa kïgh.

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.

1 PETRO 4:19

Kïlenyona nyu pich cho wongu ompöwölo machata Tororöt nyoni ompö chane, kïmïchini, ompö ighisyewutkökwa cho karamach kïpïsyï söponwekwa mori Ighintengwa nyo ghanate.

YUDA 1:9

Akimeghnye ompö lenyoni Mikael, nyo ki wow ompö malayken. Otini kinam kegh kut kïtiytiysot nko Onyöt ato kïmosot por pö Musa, kimemukïnye Mikael kïnörekyï Onyöt ompö kimwagha, wölo kilö, “Nya kïsyölchinyi Tororöt onkït.”