1 KORINTO 3:5 - PIPÏLIA

⁵ Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

1 KORINTO 3:5 ပူးပေါင်းရင်းမြစ်များ

MATAYO 25:15

Kitö chi anka tïkwïl kïrïp kegh nko owesyenyi: kitö akonga talanten mut, kutö anka talanten odeny, kutö anka talantayan akonga atolapay kïrutö.

LUKA 1:2

Kikir chane ngalechoni le otini kimwowecha pich cho kisïwa tïkuchoni kïngeta otini kighisyö akwamtata ngalechoni.

YOANA 3:27

Kuyokyï Yoana chane lö, “Memuchönye chi ntökïtach kïgh kïpoto ato tö Tororöt.

IGHISYEWUT 18:24

Kitï chi pö Yaudi anka Epeso nyo kikuro Apolo, nyo pö Aleksandria. Ki chi nyo ngöghom, aki chi nyo kinkït kïngalan akipköchinote Kikirut nyoman.

IGHISYEWUT 19:1

Otini kimito Apolo Korinto, kïrutö Paulö kuwerata mösopit kwen, ntökwitïta Epeso. Kïnyorchï wöloni kighönï walaka cho te,

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

1 KORINTO 16:12

Ye nyu ompö ngala werïnyo Apolo, kyasaghan nyinte nyoman kïrutowokwa nko werköcho walaka, wölo katagh nyinte lakat kungwïn otï le ye, wölo ngwïnöy lawel ato muka.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

1 KORINTO 3:22

Ato kö Paulö anta Apolo anta Petro anta ngwïnyinï anta söpon anta meghat anta ngal cho pö ye anta cho tökïpkonöy, chikwa choni löwïr,

1 KORINTO 3:7

Melö kïgh chi nyo kikötköt anta nyo kipïs, wölo karam Tororöt nyo ighöy kïpit.

1 KORINTO 9:17

Ntökile nyo kyokïlchan kegh ighisyononi ompö machatenyan kegh, kötokönan nyu kïgh nyo kïghokwon, wölo oghan le achey nyo kighönwanïn Tororöt alïkwï ripinte.

2 KORINTO 11:23

Mötwori Kristo so chane? Ochan tïkwïl, angölonan lenyoni le chepoyï, lö ochan mötworinto Kristo kïtïl chane! Kaghan ighisyö nyo aghïgh tya, kikïtorchanïn chela kïnyïl cho chang tya akemungenanïn syaritin kïnyïl cho chang tya. Kyachïwïtan meghat kïnyïl cho chang.

2 KORINTO 3:3

Rumunote nyoni lö ochikwa palalyanta Kristo* nyo kikir nyinte akïkonecha ketötenö. Melö kikikira winö palalyantanoni, wölo kikikira Mïkulöwu Tororöt nyo satate amelö kikikirchï paraku keronytina, wölo kikikirchï paraku mïkulis pö pich.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 4:5

Melö kyomtocha kegh achane, wölo kyomtocha Yeso Kristo nyo le Echotyon, kïchicha achane mötworikwa ompö Yeso.

2 KORINTO 4:7

Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

2 KORINTO 5:18

Ighöy Tororöt choni löwïr, nyo kelinyecha kelïkuna kongotichi ompö Kristo, akïkonecha achey nyo kilinyot tïkwïl pikö walaka nko nyinte.

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

2 KORINTO 6:4

Nyinö kötö kighecha lenyoni, keporucha kegh lasiny lö kïchicha mötwori Tororöt ompö kïgh anka tïkwïl nyo kighecha ompö mïkukönöt nyo wow ompö osiswo kichopat nko kömpölelyö nko nyarïl.

EPESO 3:7

Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:25

Keghanïn Tororöt alïkwï mötworinteto kanisenyi kïrïp kegh nko tötutyenyi nyo kikonanïn ompö tösunötenkwa. Tötutyononi kï kyamta ngölyontenyi kelïmta,

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

1 PETRO 4:10

Mïchini chi anka tïkwïl nyo mi kwenunkwa kïpöghisyegho kuten ropöw cho sisinchö cho kitö Tororöt ompö kinyiwut nyo pö pikö walaka, le ripï cho karamach cho ghyongchini ropöwo Tororöt cho chang.