1 KORINTO 3:13 - PIPÏLIA

¹³ Kïsïwïyi nyu wölo pïchighta ighisyo chi anka tïkwïl ato itï asispa Kristo. Ompöwölo ngwïnöy Asisoni nko ma akï mayoni nyo ngongu wölo pïchighta ighisyenyi.

1 KORINTO 3:13 ပူးပေါင်းရင်းမြစ်များ

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 8:20

Oyokyinekwa pïchoni lö, “Atera ngalechï mwowokwa ECHOTYON! Moteröy ngala oy, ompöwölo melö onyorunokwa chane löpoyïn pö kiwasan.”

YEREMIA 23:28

Nya kïmwa werkoyonta kirwotïtoghtanyi nyo kirwotïtö, kïmwa ngölyontenyan lenyini kamwaghan nyo kalïm ngölyontenyan. Ayo, karkegh so morïr nko pagh?

YEREMIA 23:29

Lenye ngölyontenyan ma akïkarkegh nko kunyïk nyo pösyököy ghat kïpasyaka.

SAKARIA 13:9

Otïlilenan ma pich cho kingötï, le wölo kitïlilöy koltin anta silpa. Kuranïn nyu chane atoni akïsaghanïn, angitönchinan chane. Omwochinan chane lö, ‘Ochikwa chichan,’ kïlenchanïn chane, ‘ECHOTYON kï Tororötïncha.’ ”

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

MALAKI 3:2

Wölo, ekïngo nyu köny nyo köngöy asisoni ngwïnöy nyinte? Ekïngo nyo lentöy oghyongöy, akany otini chumu nyinte? “Karkegh nyinte nko ma nyo ngwan nyo pelöy nyïngwïtyan ntökïyï karïn akï karkegh nko sapuni nyo kiwunö sïro.

MATAYO 10:15

Omwowokwa nyoman lö, syonchini Tororöt asispa kirwok tya pipö Sodoma nko cho pö Komora, kïsir piko kanasyantanoni!

MATAYO 16:27

Ompöwölo, ngwïnöy Wero Chi atoni ompö ororyeto Kwanta nko malaykenichi atökïghokyï chi anka tïkwïl kïrïp kegh nko ighisyewutkachi.

LUKA 2:35

atökingongwï kinonutkökwa cho wïngote. Ailïmtonyi nyarïl ompö mïkulöwungu kegh le chok nyo ngatip.”

RUMI 2:16

Kïlenyona nyu, kïrïp kegh nko Lökoy cho Karamach omtonan lenye nyoni wölo lïku Asisoni rwokyini Tororöt, ompö Yeso Kristo,* pich ompö otöptinekwa cho wïngote.

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

1 KORINTO 1:8

Komönokwa nyinte ntökwit söröm, atömökïsöchokwa lelut ompö Asisoni pö Echotyontenyo Yeso Kristo.

1 KORINTO 3:12

Muköy chi anka kïteko paraku kitorutyonï, koltin anta silpa anta koghïn cho pïchighöch akumuköy kïpöghisyegho ket anta sus anta mopö.

1 KORINTO 4:5

Kïlenyona, morwokyï chi anka tïkwïl kïtomö kwitïta asistanyi, opïstenö tökïtenö kungwïn Echotyon, nyinte nyo pköngöy tïkwïn cho kikïwïnchï wölo tuw akuporï möchut pö mïkulis pö pich, atökïnyorunö nyu Tororöt chi anka tïkwïl salat nyo mïchini.

2 TIMOTEO 1:12

nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.

2 TIMOTEO 1:18

Nya kutö Echotyon nyinte kisyonötenyi asispa mïlaghtanyi. Olentan inkïtönyi lasiny wölanye kingaraktanïn nyinte ompö kanasyanta Epeso.

2 TIMOTEO 3:9

Wölo itöy onö? Ompöwölo sïwïyi lawel chi anka tïkwïl sölwontönengwa le nyaye kïsïwa pich sölwontöno Yane nko Yampre.

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

EPRANIA 10:25

Amökepïstö otöptönyo nyo pö nyoryogh kïle wölo kipïstö pikö walaka. Nyo kötölïku nyona, kekil kegh lasiny, ompöwölo karich kwitï asispa Echotyon.

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

1 PETRO 4:12

Motöngönchï kongotichu työmut cho ngwonöch cho omitekwa onyoru, le ato ketwakwa kïgh nyo sis.

2 PETRO 3:10

Wölo miru asispa Echotyon le chorin. Weröy yïmöy Asisoni nko kighumöt nyo wow, kiwuro ma tïpö yïm, kïpelöy ngwïny nko tïkwïn löwïr cho mi orinyi.

2 PETRO 3:7

Wölo kïmi keripöy yïmöy nko ngwïny cho pö osiswechete ompö ngölyonto Tororöt atökewura chane ma. Kïrïpöy lenyoni ntökïtenö kwitï Asis ato kirwokyini akewur pich cho melö wöghöy Tororöt.

NGONGUT 20:12

Atolapay asïwan pich cho kikikïmeghö, cho echön nko cho mïnkech kughyongo tawu ngacharu paytagh. Atoni nyu keyat kitapun. Atolapay keyat kitapu anka, nyoni kï kitapu söpon. Kerwokyï chane kïrïp kegh nko tïkwïn cho kigh chane le wölini kikikirta ompö kitapunechoni.