1 KORINTO 2:9 - PIPÏLIA

⁹ Wölo kïle wölo mwoghtoy Kikirut lö, “Kighchï Tororöt pich cho chömöy nyinte tïkwïn cho kitomöcha kïsïwa kong anta lïm yit, tïkwïn cho kitomöcha kïpköchï ptangengmöt.”

1 KORINTO 2:9 ပူးပေါင်းရင်းမြစ်များ

TUMWÖY 31:19

Wow tya köromnyengu ompö chane cho konyïtinyi nko chane cho ghïponinyi! Kïsöwintönchini pich löwïr.

ISAYA 64:4

Möminye chi nyo le ompö akonga nyo kikïsïwa anta lïm Tororöt nyo kikongityot nko nyi, nyo ighchini tïkwïn cho pö töngönchin pich cho köninyi.

ISAYA 65:17

Mwoghöy ECHOTYON lö, “Oghan ngwïny nyo rel nko yïm nyo rel. Kïwutyeghö kïpa kokay tïkwïn cho kipö tagh.

MATAYO 20:23

Kïlenchï Yeso, “Nyoman, omukekwa ogheghone kikompenyan, wölo melö ani nyo okïlchini chi kïtöpö ewunyan nyo pö tagh anta nyo pö löt. Pö woptinechoni kwodeny pich cho kitötyï Paponyan.”

MATAYO 25:34

Atolapay kïlenchï pöytoghintö pïchinö mi ewunyi pö tagh, ‘Apkana nyu cho kikusoyönok Paponyan! Apkana atacha pöyunöt nyo kikekïlwekwa kïngeta otini le towunöto ngwïny.

YOANA 3:16

Ompöwölo kicham Tororöt ngwïny nyoman ntökutö Werïnyi nyo le akonga, atömepot chi anka tïkwïl nyo ghönöy nyinte, wölo tökïsïch söpon pö kokay.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

EPRANIA 11:16

Wölo kimi chane kïyöröy kore anka nyo karam nyo pö mi yïm. Nka nyoni mölolïyönönye Tororöt kïkurö chane nyinte Tororötïngwa, ompöwölo kikwighchï chane kanasyan.

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

1 YOANA 4:19

Kïtïngöcha chomnyogh ompöwölo Tororöt nyo kinya kïchamecha.