1 KORINTO 2:7 - PIPÏLIA

⁷ Ngöghomnyö nyo kïpöghisyeghonecha kï ngöghomnyo Tororöt nyo kikiwïnya ptangengmöt kïngeta nyini le towunöto ngwïny, wölo kikikïkïl nyinte ompö ororyencha.

1 KORINTO 2:7 ပူးပေါင်းရင်းမြစ်များ

TUMWÖY 78:2

Omwowunan ompö körkeyïntin. Ongölonan ngötïnyö cho pö köny,

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

MATAYO 13:35

Kigh lenyoni atökïpïntö ngölyon nyo kimwa werkoyon lö, “Opöghisyeghonan körkeyïntin otini ongölonchinan chane, omwochinan chane tïkwïn cho kikïwïng kïngeta otini le towunöto ngwïny.”

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

RUMI 8:29

Ompöwölo pich cho kinya Tororöt kïkïl kïngeta otini le könyisyok kï kilöwön lö lïku chane cho körökegh woptöngwa atökïkarkegh nko Werïnyi, atömanyïl kïlïkwï nyinte poret nyo kwenu monïngo Tororöt cho chang.

RUMI 8:30

Kïlenyona nyu, pïchoni kikïl nyinte kïngeta otini le könyisyok, cho kikïkur, akï pïchoni kikïkur cho kiyityï nyinte man, akï choni kiyityï man cho kitö kïgham ororyenyi.

1 KORINTO 2:1

Atanye kyangwïnan wölo omitekwa werköcho, kïmelö kyamtan ngala Tororöt cho wïngote ompö onyïnio ngal anta ompö ngöghomnyo ptangengmöt.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

EPESO 3:10

atömanyïl kegh pöytoghi malayken nko wowïntin cho yïmwöy, otï le ye kuwerï kanisa, kunkïtï ngöghomnyo Tororöt nyo rumu ompö ortïn cho chang.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 11:3

Pköchinecha ompö kighanat lö kigh Tororöt yïm kwigha ngölyontenyi atö kïlïkwï lö tïkuchï kïsïwïyi kï kikigha tïkwïn cho mökïsïwïyinye.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

1 PETRO 5:1

Omökan ye nyu osomöy kïgh poyi kanisen, ani nyo ochï poyon le chane achï söwinto kiwongunöto Kristo* akï nyo oporöy nko nyinte ororyenyi nyo tökengongu asïyech. Osomokwa lö,

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.

2 PETRO 1:3

Kikonecha owesyo Tororöt kimuytoghin kïgh anka tïkwïl nyo kïmökecha tökumuka ketïpinö otöp nyo kiwöghöy nyinte ompö otini kinkïtöcha nyinte nyini kikurecha atökepara tïkwïl ororyenyi nko köromnyenyi.

NGONGUT 13:8

Soghöy pich cho mi ngwïny tyonyoni, kïpoto chona kikekirchï kaynötutkökwa kitapu söpon kïngeta towunöto ngwïny, nyoni kï kitapu Wawa Kech nyo kikïpar.