1 KORINTO 2:14 - PIPÏLIA

¹⁴ Melö toköy chi nyo mi otöp nyo pö por ropöw cho konu Mïkulöwu Tororöt, ompöwölo sölwontön tïkuchoni ompö nyinte, ompöwölo kinkïtuno tïkuchoni ara mïkulögh.

1 KORINTO 2:14 ပူးပေါင်းရင်းမြစ်များ

NGÖTÏNYÖ 14:6

Yöröy karatakyanta ngöghomnyö amelö nyoru, wölo nyïmnyïm chïreryö ompö chi nyo tïng pköchin.

MATAYO 16:23

Kïwaghaka Yeso akïlenchï Petro, “Ngetena tawunyan Onyötonï! Ichinyi tömölin, ompöwölo melö pö kinonutköku Tororöt, pö ptangengmöt!”

YOANA 10:20

Kïmwa cho chang lö, “Tïngeto chichï oy akï chepoyï! Kwompö ne toterekwa ngalechi?”

YOANA 12:37

Kïmeghancha nyinte, kïrkegh kigha nyinte töngönchin cho chang ompö tawungwa,

YOANA 14:17

Nyinte kï Mïkulöwu man akïmemukönye ngwïnya kïtoköy ompöwölo mösïwïyinye nyinte anta nkïtï. Wölo onkïtökwa nyinte, ompöwölo mi nyinte nko akwa akïmi orinkwa.

YOANA 14:26

wölo ato itï Kingörokintö, nyinte kï Mïkulögh nyo Tïlil nyo yonu Paponyan ompö kaynenyan, kunetakwa kïgh anka tïkwïl akunonwokwa ngalechoni löwïr kökomwowokwa.

YOANA 15:26

“Wölo ato itï Kingörokintononi oyonwokwa kungwïna wölo mi Paponyan, nyinte kï Mïkulöwu man akïsöwintönchinanïn nyinte.

YOANA 5:44

Omukekwa oghöne lö ne akwanyï ochömekwa otoke salat nyo le nyingwo kegh akwanyï momörekwanye salata Tororöt?

YOANA 8:43

Kölö ne tömöpköchinokwa ngalechï omwoghan? Ompöwölo momökekwanye olïme ngölyontenyan.

IGHISYEWUT 16:14

Akonga ompö cho kiter lökoyecha kï Lidia nyo kingwïno Tuatira, nyo kile oltoghinto sïro cho kilata akwa reper. Ki korka nyinte nyo kisoghöy Tororöt, kwigh nyu Echotyon mïkulöwunyi kumï kïter akughan ngal cho kimwowu Paulö.

IGHISYEWUT 17:18

Nyinte nko koneti walaka cho ngöghomöch cho kikïkuro Epikurio nko Stoyiko. Kïlo walaka, “Möchöy nyu nyï sölwe lö oporu kegh kïmwowu ne nya?” Kïlo walaka, “Nkïlenye atomököy kïngölono tororötin cho le to.” Kimwa lenyoni ompöwölo kyomchini Paulö ngala Yeso nko kitutunöt.

IGHISYEWUT 17:32

Nyini kilïm pïchay Paulö kïngölono kitutunöto pich cho kimeghö, kïngem, kungörer walaka, wölo kïlö walaka, “Kïmökecha mwowechanyi ngalechoni ngat.”

IGHISYEWUT 18:15

Wölo ato paraku ngal nko kaynötut cho pö kirurutkökwa, omwoghan lö arosa akwane. Molïkunanye mutinto ngal cho lata choni.”

IGHISYEWUT 25:19

Wölo kïgh nyo kitïng nko nyinte kïteput cho kirïpöy kegh nko ngaleko kighanatengwa nko ngala chi nyo kikuro Yeso, nyo kima, wölo kïlö Paulö söpöy nyinte.

1 KORINTO 1:18

Sölwontön ngala megha Kristo ompö kimurtöwon ompö pich cho potyot, wölo ompö acha cho kïmi kesörwech, kï owesyo Tororöt.

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.

1 KORINTO 1:23

wölo kyomtonecha Kristo nyo kikïwudochï kimurtöwon, ngölyon nyo le kimwagh ompö pipö Yaudi, akï sölwontön ompö pipö punton,

1 KORINTO 1:25

Ompöwölo kïgh nyo lentöy chi sölwontöno Tororöt, kïtïng ngöghomnyö nyo tïlöy ngöghomnyo ptangengmöt, kïkany kïgh nyo lentöy chï nyörkölelyo Tororöt, kïtïng owesyö nyo tïlöy owesyo ptangengmöt.

1 KORINTO 15:44

Por pö chi pat otinö kïtïpöy, wölo por pö mïkulögh otinö tutu. Ato mi por nyo kïyiytoy chi, kïmi por tïkwïl nyo pö mïkulögh.

1 KORINTO 15:46

Wölo melö ntöghoghu cho pö mïkulögh, wölo por nyaye kïyiyöy, atolapay kïrïpta nyu cho pö mïkulögh.

1 KORINTO 2:12

Melö kakïtakacha ye mïkulöwu ngwïnyinï, wölo kakïtakacha Mïkulögh nyo ngwïno wölo mi Tororöt atökemuka kenkïtunö tïkwïn cho kikonecha Tororöt.

1 KORINTO 3:1

Wölo melö kyongölonwokwa, werköcho, le ato ongölonchinan pich cho mi otöp pö Mïkulöwu Tororöt. Kyangalanan nko akwa le pich cho mi otöp pö por, le tengon ompö kighanata Kristo.*

YAKOPO 3:15

Mengwïnonye ngöghomnyö nyo lata nyoni yïm, wölo pö ngwïnyinï amönomnyotonye kegh nko kighanat, ngwïno wölo mi Onyötö.

1 YOANA 2:20

Wölo kikuyilekwa Nyinte nyo Tïlil, kïlenyona kyonkïtukwa löwïr man.

1 YOANA 2:27

Wölo mi nko akwa Mïkulögh nyo Tïlil nyo kikïmïlwokwa Kristo. Akwato töpö Mïkulögh nyo Tïlil orinkwa kïmelö totïngetenökwa machat nyo pö konetin anka. Ompöwölo netokwa Mïkulöwunoni tïkwïn lapay, akï kïgh anka tïkwïl nyo netöy nyinte kïpö man, melö putintön. Arïpa nyu kinetut pö Mïkulögh nyo Tïlil atïpï orito Kristo.

1 YOANA 5:20

Kinkïtöcha lö kikungwïn Wero Tororöt akïkonecha pköchin kenkïtunö Tororöt pö man. Kïmicha orito Tororöt pö man, akemi tïkwïl orito Werïnyi Yeso Kristo. Nyete nyu kï Tororöt pö man, akï nyete nyo le söpon pö kokay.

YUDA 1:19

Pich choni cho ipu pesyogh ompö kwenunkwa, pich cho ntöghoghchini kinonutkökwa cho pö ngwïninï akïmötïngcha chane Mïkulögh nyo Tïlil.