1 KORINTO 2:13 - PIPÏLIA

¹³ Kïlenyona, melö kinetecha ngal cho kikinetecha ompö ngöghomnyo ptangengmöt, wölo ngal cho kinetecha Mïkulögh, otini kïmitecha kenetöy ngala man cho pö mïkulögh ompö pich cho tïng Mïkulöwu Tororöt.

1 KORINTO 2:13 ပူးပေါင်းရင်းမြစ်များ

LUKA 12:12

Ompöwölo porwokwa Mïkulögh nyo Tïlil atoni ngölyon nyo mïchini amwaghakwa.”

IGHISYEWUT 2:4

Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

1 KORINTO 1:17

Melö kiyoktanïn Kristo apatisan pich, wölo kiyonwanïn nyinte amta Lökoy cho Karamach amelö ompö ngöghomnyo ptangengmöt, atömepot owesyo megha Kristo ompö kimurtöwon.

1 KORINTO 14:2

Melö ngölonöy chi nyo ngölonöy kut nyo sis nko pich, wölo ngölonöy nko Tororöt, ompöwölo möminye chi nyo lïmöy ngalechi. Ngölonöy nyinte ngal cho pö wïngut ompö owesyo Mïkulögh.

1 KORINTO 2:1

Atanye kyangwïnan wölo omitekwa werköcho, kïmelö kyamtan ngala Tororöt cho wïngote ompö onyïnio ngal anta ompö ngöghomnyo ptangengmöt.

1 KORINTO 2:14

Melö toköy chi nyo mi otöp nyo pö por ropöw cho konu Mïkulöwu Tororöt, ompöwölo sölwontön tïkuchoni ompö nyinte, ompöwölo kinkïtuno tïkuchoni ara mïkulögh.

1 KORINTO 2:4

Amelö kipö ngalechan nko amtaghtanyan chïreryo ngal cho pö ngöghomnyo pich, wölo kikikïniniö akeporï ompö owesyo Mïkulöwu Tororöt.

1 KORINTO 9:11

Ato kikïlechicha kösïgho mïkulögh kwenunkwa, kïpïchighitu tya ato kïsïkecha tösunöto por wölo omitekwa?

EPESO 5:19

Otinö ongölonchinekwa kegh opöghisyeghö ngala sölut nko tumwöy nko tumwöyi mïkulögh. Otumchinö Echotyon tum nyo rïröy ompö mïkuliskökwo.

KOLOSAY 3:16

Akanya kïtöpö orinkwa ngölyonto Kristo kïmïchï. Aneta kegh, arur kegh ompö ngöghomnyö anka tïkwïl. Otumö sölut nko tumwöyi mïkulögh cho kïtumchini Tororöt, ayokyï nyinte sörö.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

2 PETRO 1:16

Melö kikïrïpacha kikorön cho kitam pich atanye kikïmitecha kemwowokwa paraku owesyö nko kingwïnata Echotyontenyo Yeso Kristo. Kikïsïweghecha achane konyicho ororyenyi.