1 KORINTO 2:12 - PIPÏLIA

¹² Melö kakïtakacha ye mïkulöwu ngwïnyinï, wölo kakïtakacha Mïkulögh nyo ngwïno wölo mi Tororöt atökemuka kenkïtunö tïkwïn cho kikonecha Tororöt.

1 KORINTO 2:12 ပူးပေါင်းရင်းမြစ်များ

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

1 KORINTO 1:27

Kisas nyu Tororöt kikïl tïkwïn cho yitöy ngwïnya lö sölwontön atökutö arasï pich cho ngöghomöch, akïkïl tïpö ngwïny cho nyörkölöl atökutö arasï pich cho owesöch.

1 KORINTO 2:6

Kïrkegh kïlenyoni, kepöghisyeghonecha ngala ngöghomnyö ompö pich cho kikilyö ompö kighanat, wölo melö ngöghomnyo ngwïnyinï anta nyo pö pöytoghi ngwïnyinï cho mi owesyengwa kïwonyotoy.

1 KORINTO 3:22

Ato kö Paulö anta Apolo anta Petro anta ngwïnyinï anta söpon anta meghat anta ngal cho pö ye anta cho tökïpkonöy, chikwa choni löwïr,

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

YAKOPO 4:5

Molenchï kegh mwoghöy Kikirut ngala kwïle atay lentöy, “Pïrchinecha akwomöy nyonyintön mïkulögh nyo ketö Tororöt orincha.”

1 YOANA 2:20

Wölo kikuyilekwa Nyinte nyo Tïlil, kïlenyona kyonkïtukwa löwïr man.

1 YOANA 2:27

Wölo mi nko akwa Mïkulögh nyo Tïlil nyo kikïmïlwokwa Kristo. Akwato töpö Mïkulögh nyo Tïlil orinkwa kïmelö totïngetenökwa machat nyo pö konetin anka. Ompöwölo netokwa Mïkulöwunoni tïkwïn lapay, akï kïgh anka tïkwïl nyo netöy nyinte kïpö man, melö putintön. Arïpa nyu kinetut pö Mïkulögh nyo Tïlil atïpï orito Kristo.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 22:6

Atolapay akïlenchanïn malaykayantanay, “Muköy pich kughan ngalechï akï pö man. Köyonï Echotyon Tororöt nyo töni werkoy Mïkulöwunyi malaykayantenyi atökuporchï mötworichi ngal cho ighisyot mötïny lawel.”