4 Ato mïchini owan ante owetan nyu tïkwïl nko chane.
Wölo omitan otï le ye owetöy opöghisyechini pipö Tororöt ompö wölnö le Yerusalem.
Otini katwan korenkwa, oyontonan pich ompö kwenunkwa cho okïlekwa, kwip palalaltin nko ropöwekwa kutang Yerusalem.
Onyoghan oweru Makedonia kïtomö orutowokwa ompöwölo otïngetan machat lö tawer Makedonia,
Akïmönyoninye onkït, kikïl kanisen nyinte kïlïkwï chi nyo kïrutonecha tïkwïl otini keghöy ighisyonï pö chomnyogh ompö ororyo Echotyon atökuporï kikïniniot nyo pö machatencha nyo karam.
Kisaghecha nyoman ketönöcha chane pöroyïn nyo ghömechini ighisyononi kingöroköy pipö Tororöt,
