1 KORINTO 15:57 - PIPÏLIA

⁵⁷ Wölo kesala Tororöt nyo konech rïntagh ompö Echotyontenyo Yeso Kristo.

1 KORINTO 15:57 ပူးပေါင်းရင်းမြစ်များ

2 PÖYTOGHÏ 5:1

Kikonyïtöy pöytoghinto Sirya Naaman nyoman, nyo kile wowïn pö pipö lïkenyi. Ompöwölo kitö ECHOTYON rïntagh pipö Sirya ompö nyinte. Ki chi nyinte nyo kile nyakan nyoman, wölo kyamate psenkwet.

1 OTÖPTINO OSIS 22:11

Kïtas tagh Daudi kïlö, “Ye nyu werïnyu, nya kïtöpö ECHOTYON Tororötïngu nko nyi, akusïlta kiyomisötenyi kwighinyi muktena tekyinö nyinte kö.

TUMWÖY 98:1

Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.

NGÖTÏNYÖ 21:31

Kïröy angole kïtöpö kïpsach ompö asispa poryot, wölo ECHOTYON nyo pö rïntagh.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

IGHISYEWUT 27:35

Kïkany kuwany kïngalan, kïcheng Paulö makatyan akutö Tororöt sörö ompö tawungwa lapay, akïmïnchïr akutor kwam.

RUMI 7:25

Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.

RUMI 8:37

Wölo kïrïntonecha tïkuchoni löwïr, ompö kingörokut nyo ngwïno nyinte nyoni kichamecha.

1 KORINTO 15:51

Atere ya omwowokwa ngölyonto man nyo wïnyate, melö kïmeghsonecha löwïr, wölo kïwöghökecha löwïr,

2 KORINTO 1:11

otini omikwa ongörokecha ompö sowut. Soyönecha nyu Tororöt ompö sowutchoni chang, akïlïkwï kïgh nyo ighöy pich cho chang kuyokyï Tororöt sörö ompö acha.

2 KORINTO 2:14

Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.

2 KORINTO 9:15

Keyokyinö nyu Tororöt sörö ompö ropöwontenyi nyo mötïngnye söröm!

EPESO 5:20

Oyokyinö Tororöt Paponyo sörö kïtenö osis ompö kïgh anka tïkwïl, ompö kaynata Echotyontenyo Yeso Kristo.

EPRANIA 2:14

Akwompöwölo tïng pïchoni kikur lö, monïng, por nko kisön, kïkarkegh nyu Yeso nyinte nko chane kipar otöptöngwa nyo pö ptangengmöt. Kigh lenyoni atökumï ompö areto meghenyi kunyar Onyöt nyo kitïng owesyö ompö paraku meghat,

NGONGUT 12:11

Kirïnta tupchenicho nyinte ompö kisön pö Wawa Kech nko ompö man nyo kisöwintönchï chane, ompöwölo kicham kïkonï kegh chane kïrkegh kutupuy kong meghat.

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”