4 aketïp akututï asis nyo pö sömök kïrïp kegh nko Kikirut
Ononan ECHOTYON osis löwïr. Mi nyinte ewunyan nyo pö tagh, kïlenyona möminye kïgh nyo timtimanïn.
Lentöy pöytoghintö, “Omwotïtonan ngölyonto ECHOTYON, Kölenchanïn nyinte, ‘Ichinyi Werïnyan, ochan papongu nyo koyiyinyi ye.
Konecha söpön nyinte ompö asispa odeny, tutwecha asis nyo pö sömök, tökemöngisyenö ompö tawunyi.
Atolapay kïyonta ECHOTYON koghoghwö nyo wow nyoman nyo kinyïkwïda Yona. Kitöpö nyu Yona muyo koghoghwö osis sömök nko nöngötuskökwa.
Ompöwölo kïle wölanye kitöpö Yona muyo koghoghwö nyo wow pöghetus sömök nko nöngötus sömök, kïtöpo tïkwïl lenyoni Wero Chi osis sömök nko nöngötus sömök kwenu ngwïny.
Kutor Yeso kïngeta atoni kuporchï kinetankachi lö, “Mïchinanïn owan atang Yerusalem atökuchopanïn kong poyï nko tïsï cho echön nko koneti kirurut ompö wölini, akïtïghanïn, wölo otutunan asispa sömök.”
atolapay kutö pipö punton kïnyerera nyinte akïmungö syaritin akïwudochï kimurtöwon, wölo kitutu nyinte ompö asispa sömök.”
Ompöwölo kimi kunetöy kinetankachi lö, “Karich kyonkoghchï Wero Chi pich kepar nyinte, wölo nyini kemuchö parata kututu nyinte asisto sömök.”
Kimömïchïnye so Kristo* kuwongwï lenyoni kïtomö kïlït ororyenyi?”
akïlenchï, “Kikikir lö, wongu akïma Kristo nyo mötïny akututï asisto sömök
Kïmwochï chane ngat lö, “Mïchini Kuwongu Wero Chi nyoman, töghöy nyinte poyï nko tïsï cho echön nko koneti kirurut. Kïpöröy nyinte kïma, akwompö asispa sömök ketutunö wölo mi pich cho kimeghö.”
Kïkany kuwanta kegh choni, kïwö Yosep, chi pö kanasyanta Arimatea, wölo mi Pilato akïsom nyinte por pö Yeso atökwip. (Ki rïpana Yeso Yosep, wölo kiwïngöy kegh, ompöwölo kiwöghöy pipö Yaudi.) Kïchömchï Pilato nyinte kwip poroni, kïwö nyu Yosep akwip.
Kiporchï kegh Yeso kinetankachi kïnyïl cho chang kïsöpöy ompö osis tömönut angwan kïngeta kïma. Kingölonchï chane ngala Pöyunöto Tororöt.
Ompöwölo kikïror asis akonga nyo rwokinegho ngwïny ompö man ompö chichoni kikïl nyinte. Akakuporchï nyoman pich lapay ngalechoni tömömi chi nyo tomtomönöy ompöwölo kigh nyinte kututï ompö meghat.”
Kikïmeghyecha nyu nko nyinte otini kikipatisanecha aketïpecha nko nyinte, atökemuka nyu ketutunö lenyini kitutï Kristo ompö ororyeto kwanta atömanyïl ketïpï tïkwïl otöp nyo pö söpon nyo rel.
Ompöwölo kikïtïpokwa nko Kristo otini kikipatisanakwa! Akwompö kipatisanatanoni, kyotutukwa nko Kristo ompöwölo kyaghanakwa owesyo Tororöt nyo kigh nyinte kututunö ngwen.
Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.
Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.
