1 KORINTO 15:10 - PIPÏLIA

¹⁰ Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

1 KORINTO 15:10 ပူးပေါင်းရင်းမြစ်များ

MATAYO 10:20

Ompöwölo melö chikwa ngalechini omwoghekwa, wölo pkono Mïkulöwuto Paponkwa nyoni ngölonöy ompö orinkwa.

MATAYO 25:16

Kïwö lawel mötworintonay kikitö talanten mut kuchirusön kïsïch talanteni walaka mut cho mi parak.

RUMI 11:1

Otepan nyu lö, kitagh so Tororöt pikachi? Ewo! Ochan nyete le ani chi pö Israel, mompö Apraam, nyo pö ara Penchamen.

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

1 KORINTO 15:11

Kïlenyona ato ki ani nyo kyamta anta ki chane, kï choni cho kyomtonecha löwïr akï choni cho kyaghanakwa.

1 KORINTO 15:2

akesörunenokwa choni ato ananakwa lasiny ngalechanye kyomwokwa, ato melö kwïle kighanatenkwa.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

1 KORINTO 3:6

Kyokötkötisyan, kupïs Apolo, wölo Tororöt nyo kigh kösïgh kïpityö.

1 KORINTO 4:7

Ngo nyo keghinyi wowitunenö pikö walaka nya? Melö so Tororöt nyo kikoninyi tïkuchoni löwïr itïngetenyi? Ato lenye nyoni, kwompö ne tekwolenyi kegh le ato melö ropöw tïkuchoni itïngetenyi?

2 KORINTO 12:11

Kalïkwan so sölwö? Wölo akwa choni kochikwanïn, kötömïchinokwa ompö asalanïn. Ompöwölo, kïrkegh kömelö ochan kïgh, wölo melö ochan apteghate tya kïtïl choni okuronekwa, “kiyoktoghï cho echön.”

2 KORINTO 3:5

Amelö kimukecha ketigho kegh owesyenyo achane, wölo ngwïno owesyencha kïmïkul wölo mi Tororöt,

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

KALATIA 2:8

Ompöwölo kikonanïn Tororöt kimukat owö omchï pipö Yaudi Lökoy cho Karamach le wölo kitö nyinte Petro tïkwïl kimukat kwomchï pipö punton Lökoyechoni Karamach.

PILIPI 2:13

ompöwölo mi Tororöt kïpöghisïyi ompö orinkwa kïnomnyö akïkonokwa owesyö nyo omöko, apunteghö machatenyi nyo karam.

PILIPI 4:13

Omukan oghöy tïkwïn löwïr ompö Kristo nyo konanïn owesyö.

1 TESALONIKE 5:12

Kïsoghokwa lasiny, tupchenicho lö, okonyïtö pich cho mi kïpöghisyewokwa cho ntöghoghchinekwa akunetokwa otöp nyo mïchini pipö Kristo kïrïp.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.