1 KORINTO 14:3 - PIPÏLIA

³ Wölo chi nyo tïng ropöwonto amtaghata ngölyonto Tororöt, kïngölonöy nko pich tökïtek, akïsaghsagh, akukil chane.

1 KORINTO 14:3 ပူးပေါင်းရင်းမြစ်များ

LUKA 3:18

Kïngölonchï Yoana pïchay ompö ortïn cho chang otini kyomchini Lökoy cho Karamach.

IGHISYEWUT 13:15

Kïkany kewany kisomön Kirurut pö Musa nko kikirut pö werkoy, kuyoktö wowïntino kö pö saghat pich kïpa wölo mi chane kïlenchï, “Tupchenicho, ato otïng ngölyon anka tïkwïl nyo muköy kukilöy pich amwagh.”

IGHISYEWUT 14:22

Kuchïchim kighönï cho kökikughan Yeso kughyö lasiny, akukil chane kïnam kighanatengwa. Kunet chane lö, “Weröy pich lapay cho ghönöy Yeso nyörilwok cho chang otete tökïsöpchot atökumï nyu kïlïtöy Pöyunöto Tororöt ompö osis cho pkonöy.”

IGHISYEWUT 15:32

Kïngölonchï Yudas nko Sila cho kile werkoy, kighönichay kukilöy akuchïchimöy chane.

IGHISYEWUT 4:36

Kïnget Yosep nyo kikurö kiyoktoghï Parnapa (nyo ato kïwaghach kï, “Chi nyo kilöy pich”), ki chi pö Lawi nyinte, nyo kingwïna Kupro.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

RUMI 14:19

Kïlenyona nyu, mïchinecha kerïpa ngal cho ipu kalya kïnomnyö nko cho ipu kikilöto kegh.

RUMI 15:2

Akanya kwigh chi anka tïkwïl pöröryenyi kïngarak atökïtech nyinte ompö kighanat.

1 KORINTO 10:23

Mwoghöy chane lö, “Kïchomwecha keghe kïgh anka tïkwïl.” Lata nyoni nyoman, wölo melö karamach tïkwïn tïkwïl, “Kïchomwecha keghe kïgh anka tïkwïl,” wölo melö ngörokecha tïkuchoni löwïr.

1 KORINTO 14:12

Kïlenyoni ompö akwa tïkwïl, kïle otini opïrchinekwa lasiny lö tökïsïch ropöwo Mïkulögh, kïmïchini okilökwa kegh tya ayar tïkwïn cho ngöroköy kukilöy kanisa.

1 KORINTO 14:17

Kïrkegh kö karam saghatengu nyo pö kisoyönöt lö ne, wölo möminye kingarakata nyo könyorï chitö nyinö anka.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.

1 KORINTO 14:31

Ompöwölo omukekwa ongölone tïkwïl ngölyonto Tororöt okentoy kegh, atamuka löwïr aneta kegh akil kegh.

1 KORINTO 8:1

Mwowu ye nyu ngala omisyewut cho kakïyenchï körkeyïntin: Kinkïtöcha nyoman lö, “Kïtïngetecha löwïr kinkïtöt,” wölo ighöy pich, “Kinkïtötononi” kïkwolöy kegh, wölo teköy pich chomnyogh.

2 KORINTO 1:4

Soghsoghecha nyinte ompö nyörilwoköcho löwïr, atökemukacha tïkwïl kesaghsagha pikö walaka lenyoni ompö nyörilwokökwa ompö saghsaghatanoni kïnyorunocha Tororöt.

2 KORINTO 2:7

Nyo köngötï ye nyu ompö akwa kï kaykay olöstoghchinökwa chichoni, akil nyinte tömönarek tya ntökïma mu.

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

EPESO 6:22

Nka nyoni koyokwokwa nyinte kungwïn kïmwowokwa wölo kïlatecha, atökukil nyinte mïkulöwekwa.

KOLOSAY 4:8

Nka nyoni koyonwan nyinte kukil mïkuliskökwa otini mi kwomwekwa lökoyecha.

1 TESALONIKE 2:11

Onkïtökwa lö kikighchicha chi anka tïkwïl ompö kwenunkwa le wölo köteghchini papo monechi kegh.

1 TESALONIKE 2:3

Atanye kikïmitecha kemwowokwa Lökoyechoni Karamach, kïmelö kikïpöghisyeghecha putintön anta sïmnyontön amelö kikimukyicha kelïs chi nyonikïny.

1 TESALONIKE 3:2

keyonucha wölo omitekwa werïncha Timoteo nyo kïpöghisïyi nko acha kwomtoy Lökoy cho Karamach cho pö Kristo,* kungwïn kukilokwa akïcherakwa ompö kighanatengwo

1 TESALONIKE 4:1

Sörömuto choni nyu, tupchenicho, kyanetekwa kegh acha otöp nyo ngörökyini Tororöt. Akï nyoman komitekwa omöngisïyi lenyoni. Kïsomecha ye nyu akwa nyoman akesoghokwa ompö kaynata Echotyon Yeso lö, atasa tagh lenyoni.

1 TESALONIKE 4:18

Asaghsaghena nyu kegh akwane ngalechï.

2 TESALONIKE 3:12

Kisikyinecha pïchoni akechilöy chane ompö kaynata Echotyontenyo Yeso Kristo kwip kegh chane ngwïny akïpöghisyeghö ewunekwa atökïnyorï kïgh nyo söpcheghö chane.

1 TIMOTEO 1:4

Mwochinö chane kuchal ngalechay pö tyankoy nko kinanat nyo pö kukötin cho chang cho kikuwer cho ipu kimölöto kegh amengörokönye pich ngalechoni kenagh tötut pö Tororöt cho kinkïtu ompö ara kighanat.

1 TIMOTEO 4:13

Inoghyö nyoman isomönchï aiyomchï ainet pich Kikirut ntökïtenö atwan.

1 TIMOTEO 6:2

Akwato mi sekey cho tïng yetïntinekwa cho kikughan Kristo,* kïmömïchininye kuparta konyït nyo mïnïng lö ompöwölo tupchö ompö Kristo. Nyo köteghöy lenyoni mïchini kïpöghisyechï chane nyo karam tya, ompöwölo pich cho nyoru tösunöto pöghisyengwa, kï chaman cho kikughan Kristo. Inet ngalechï aimwochï pich lapay kïrïp.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

TITO 1:9

Mïchini kïrïp lasiny ngölyonto kighanat nko kinetut cho kikinet nyinte. Tökumï nyu nyinte kukil pikö walaka kïrïp kinetut pö man, akuporchï pich cho mölöy kinetutchï lelutkökwa.

TITO 2:15

Kilenyona mwochinö pich ngalechï, aipöghisyeghö owesyengu kïmïkul ikil pich aichil. Mepisyï chi anka tïkwïl kïsasïnyi.

TITO 2:6

Inet tïkwïl chumwak kïpïr kegh,

TITO 2:9

Mïchini sekey kïkonyït yetïntinekwa akupaypay chane ompö kïgh anka tïkwïl, amerokonye kumölomöl kegh tïkwïl,

EPRANIA 10:25

Amökepïstö otöptönyo nyo pö nyoryogh kïle wölo kipïstö pikö walaka. Nyo kötölïku nyona, kekil kegh lasiny, ompöwölo karich kwitï asispa Echotyon.

EPRANIA 13:22

Osomokwa ye nyu, tupchenichu lö atere lasiny ngalechï ipu kikilöto kegh, ompöwölo makiranye palalyan nyo kogh tya.

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

1 PETRO 5:12

Kingarakanïn werïnyo Silpano nyo onkïtön, aghönan, akir palalyantanete tangogh. Kakirwakwa atosïkö mïkulögh, asöwintönchï lö, nyete kï pöropcho Tororöt nyo pö man. Oghyongö nyu, achïchïm ompö pöropchononi.

YUDA 1:20

Wölo cho le akwa kongotichu, aleta tagh achïchima kegh ompö kighanatengwo nyo tïlil nyoman, asagh ompö owesyo Mïkulögh nyo Tïlil,