1 KORINTO 13:8 - PIPÏLIA

⁸ Mötïngnye chomnyogh söröm. Weröy ropöwo amtagh akuwonyot ropöwo ngölyep cho sis akuweröy ngöghomnyö.

1 KORINTO 13:8 ပူးပေါင်းရင်းမြစ်များ

YEREMIA 49:7

Kilö ECHOTYON Kimuktoghin paraku Edom, “Ayo, tökïmi ngöghomnyö ompö kanasyanta Teman? Kepotö so ngöghomnyö pich cho le kirurï?

LUKA 22:32

Wölo kosowunyi Simon lö tömöwïs kighanatengu. Akwotini kemïlenyi wölo omitan, ichïchim werkökwo.”

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

IGHISYEWUT 19:6

Nyini kikana Paulö ewunechi parakungwa, kungwïnchï Mïkulögh nyo Tïlil, kïngalana kutïw cho sis akïngor ngal cho pkono wölo mi Tororöt,

IGHISYEWUT 2:4

Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

1 KORINTO 12:10

Kutö chitö anka owesyö nyo igho töngönchin kutö chitö anka owesyö nyo omtoy ngölyonto Tororöt kutö anka owesyö nyo nkïtuno sisïn nyo mi kwenu konut cho pkono Mïkulöwu Tororöt nko cho möpkonocha kutö anka konut nyo ngölonöy ngala pich cho le to, kutö anka owesyö nyo wöghököy ngalechoni.

1 KORINTO 13:10

Wölo ato itï asïyech nyo tenate, kuwer nyu nyo cho melö tenate.

1 KORINTO 13:13

Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.

1 KORINTO 14:39

Kïlenyona nyu, werköcho, mïchinokwa osïkö machat nyo wow nyo omtoy ngölyonto Tororöt, wölo matagha chi kïngalana kutïw cho sis.

1 KORINTO 8:2

Ato nan chi lö onkït kïgh, kïmenkïtnye lasiny le wölo kömïchini kunkïtï.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

EPRANIA 8:13

Kikuyit Tororöt mumananya pö tagh lö kiyosit otini ngölono nyinte muma nyo rel. Akï kïgh nyo kiyosit akïwïr, kï kirik kupot lö weng.