1 KORINTO 13:4 - PIPÏLIA

⁴ Mïkukönöy chomnyogh akï talase amelö söstoghin anta menotyon.

1 KORINTO 13:4 ပူးပေါင်းရင်းမြစ်များ

TOWUNÖT 30:1

Otini kisïwa Rael lö tomönye kïyichï nyinte Yakopo monïng, kurey cheptöngwa Lea akïlenchï Yakopo, “Konanïn monïng anta mönyona omeghan!”

TOWUNÖT 37:11

Kwipö werkökwa nyinte sikong, wölo kinana paponyi mïkulögh ngölyontononi.

NEEMIA 9:17

Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

TUMWÖY 10:5

Tenöy kïgh anka tïkwïl nyo ighöy mwokïyon, mösïkunye kirwokut pö Tororöt. Sösöy nyinte pungkachi löwïr.

NGÖTÏNYÖ 10:12

Ngetöy kireyata poryot, wölo körtoy chomnyogh lelut löwïr.

NGÖTÏNYÖ 13:10

Ipu menotön poryot kwïle, wölo tïng ngöghomnyö chane cho lïmöy ngal.

NGÖTÏNYÖ 17:14

Karkegh towunöto syala nko ato kïyatïta pögh, kïlenyona nyagha wïyö kïtomö kutor syala.

NGÖTÏNYÖ 17:9

Chi nyo mokïtöy kwïyït, kïyöröy chomnyogh, wölo chi nyo rötöy ngal kupesyot kongot.

NGÖTÏNYÖ 19:22

Chömo kegh pich chi kighönöy, akï kaykay meywon kïtïl putin.

NGÖTÏNYÖ 31:20

Ngongchini nyinte morichi mey akïpöghöy pich cho le chopot.

NGÖTÏNYÖ 31:26

Ngölonöy nyinte ompö ngöghomnyö, akïmi kinetutkachi cho pö tölosyö ngalyapunyi.

OMTOGHIN 10:4

Ato nörekyin pöytoghintö, mekany kïmeghïn mu, ompöwölo ghïtoy ngala ato ip chi kegh ngwïny.

MATAYO 27:18

Kimwa lenyoni kunkït lö kitötö chane nyinte, ompöwölo kisösöy.

IGHISYEWUT 7:9

“Kwipö kong kukötïnecho Yosep, kwalta nyinte kïwö Misri, wölo kimi Tororöt nko nyinte.

RUMI 1:29

Kinyïghï oringwa ghöyityö anka tïkwïl cho lata, nyonyintön nko kiswomöt nko pïrchin nyo gha nko nyïtat nko tïghö nko lïsa nko sastagh.

RUMI 13:13

Kemöngisyenö ompö or nyo tenate, le pich cho pestegho löpoyïn pö pöghet. Melö ompö aketagh kïsamta nko tamasa anta sïmnyontön nko cheporesnan anta syala nko sastagh.

1 KORINTO 3:3

Ompöwölo tomitenökwa le pipö ngwïny, ompöwölo ato man lö tökïmi kwenunkwa sastagh nko syala, kïmeporunye nyoni lö tochikwa pipö ngwïnyï? Poru ngalechoni nyo nyoman lö tochikwa pich cho rïpöy ara por amitekwa orïpöy otöptino pich cho pö ngwïnyinï.

1 KORINTO 4:18

Kokwolökwa kegh walaka ompö kwenungwa, ompöwölo ononekwa lö melö tongwïnan ngat orutowokwa.

1 KORINTO 4:6

Werköcho, kopöghisyeghan ngalechï löwïr kangalanan kegh nko Apolo kïlïkwï körkeyïn ompö akwa atamuka anetenecha kegh atömatïl kikirut cho lentöy, ato makany kïkwol kegh chi nyo le ompö akonga akïsas anka.

1 KORINTO 5:2

Omukekwa nyu okwole kegh lö ne? Nyinö kötö okwolöy kegh, ayona kwenungwo chichini kegh lenyoni.

1 KORINTO 8:1

Mwowu ye nyu ngala omisyewut cho kakïyenchï körkeyïntin: Kinkïtöcha nyoman lö, “Kïtïngetecha löwïr kinkïtöt,” wölo ighöy pich, “Kinkïtötononi” kïkwolöy kegh, wölo teköy pich chomnyogh.

2 KORINTO 12:20

Owöghan lö töptoy ato atwan wöloni otomwan kyasisitukwa atïpï otöp nyo melö komökan, kwighanïn nyu nyoni asisitwan nko wölo komöktokwa. Owöghan lö töptoy otomunan omitekwa nko syala nko nyonyintön nko nörekyö nko nyïtat nko söngeryö nko chïput nko semsem nko kwolöto kegh nko kiwulyot.

2 KORINTO 6:6

Kakiporucha kegh lö kïchicha mötworï Tororöt ompö tïlilyo mïkulögh nko kinkïtöt nko kamaghat nko tölosyö ompö Mïkulögh nyo Tïlil ompö chomnyencha nyo möminye lïsata,

KALATIA 5:26

Mökekwol kegh nyu anta kisus kegh anta kyomchï kegh nyonyintön.

EPESO 4:2

Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.

EPESO 4:32

Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

PILIPI 1:15

Omtoy pikö walaka ngala Kristo ompöwölo söschinanïn akï syölï chane, wölo omtoy walaka ompö keröt nyo karam.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

KOLOSAY 2:18

Makany kurwokwok chi anka tïkwïl nyo ipöy kegh yïm, tya lö ompöwölo könyorï nyinte sïwïyagh nyo sis akïmi kïsïngo wölo kiptoy kegh ngwïny ompö lïs. Lenchini pich asagha malayken. Syolöy kegh chichoni kwïle ompö kinonutkachi cho pö ptangengmöt.

KOLOSAY 3:12

Ochikwa ye pipö Tororöt, kichamakwa nyinte akïkïlakwa alïkuna pikachi kegh. Kïlenyona, olokyinö kegh tïkuchï: kisyonöt, köromnyö, ipöto kegh ngwïny, tölosyö nko mïkukönöt.

1 TESALONIKE 5:14

Akesoghokwa ngat tupchenicho lö, aneta pich cho le soson, akil cho nyökoröch, angarak cho nyörkölöl, amïkukön nko pich löwïr.

1 TIMOTEO 6:4

kï chi nyo kep kegh yïm kwïle amenkïtnye kïgh. Chi nyoni nyo möro kong chemölö nyo pö ngal cho mömi cho ipu nyonyintön nko syala kiswomöt nko kinonut cho ghach,

2 TIMOTEO 2:25

Mïchini tïkwïl kïlïkwï chi nyo porchini man ompö tölosyö pich töghöy ngalechi, ompöwölo töptoy töni ana Tororöt chane pöroyïn kïlasta ngokikwa akunkïtï man.

2 TIMOTEO 3:10

Wölo nyi Timoteo, olentan kinkïtunyi kinetutköchan nko otöptönyan nko kerötenyan ompö möngot nko kighanatenyan nko mïkukönötenyan nko chomnyenyan nko kamaghatenyan.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

YAKOPO 4:5

Molenchï kegh mwoghöy Kikirut ngala kwïle atay lentöy, “Pïrchinecha akwomöy nyonyintön mïkulögh nyo ketö Tororöt orincha.”

1 PETRO 2:1

Opïstenö nyu ghöyïn anka tïkwïl nko lïsa nko nyonyintön nko kiswomöt.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.

1 PETRO 4:8

Wölo nyo wow tya mïchini achama kegh akwane lasiny, ompöwölo körtoy chomnyogh ngokï cho chang.

2 PETRO 1:7

atasa kiwaghata Tororöt chomnyo kighonï, atasa chomnyo kighönï, chomnyogh.

1 YOANA 4:11

Chamankachu, kïkany kïlenyoni wölo kichamtecha Tororöt kurokonecha tïkwïl kechomnyenö achane.