1 KORINTO 13:2 - PIPÏLIA

² Akï kïrkegh kotïngetan owesyö nyo pö amtagh nko pköchin nyo pö wïngut löwïr nko ngöghomnyö anka tïkwïl, atïng kighanat nyo omukan anategha kutïngkot amotïngetanye chomnyogh ochan kwïle.

1 KORINTO 13:2 ပူးပေါင်းရင်းမြစ်များ

MATAYO 13:11

Kuyokyï Yeso lö, “Kikekonokwa kinkïtöt nyo pö wïngut pö Pöyunöto Yïm, wölo tomönye keporchï pich walaka.

MATAYO 17:20

Kuyokyï Yeso chane lö, “Ompöwölo mïnïng kighanatenkwa. Omwowokwa nyoman lö ntökotïngetekwa kighanat nyo tenö kösïghyonto ket pö aradali kötomukekwa olenchinö kutïngï, ‘Ngetena yi aiwö atara,’ kötöngetöy akömökïminye kïgh nyo memukonye ompö akwa. [

MATAYO 21:19

Kïsïwa moköngwö ompö ara or kamas kïwö kuros, puryö kïgh ketini kïpoto sökö kwïle. Kïlenchï ketay, “Meyinenyinye akwa kokay!” Kïyam moköngwonay lenyini.

MATAYO 21:21

Kuyokyï Yeso chane lö, “Omwowokwa nyoman lö ntökotïngetekwa kighanat nyo möminye tomtomönötö, kötomukekwa oghe le nyete kaghan akïmönyoninye onkït, kötomukekwa ompö ntölenchï kutïngï, ‘Ngeta aiwirchï kegh nanam,’ kötö igho lenyoni.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

RUMI 15:14

Onkïtön ante tïkwïl, tupchenyu lö, otïngetekwa mutïn cho karamach, achikwa ngöghomöch nyoman, amukekwa onete kegh.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

1 KORINTO 11:4

Kïlenyona, ato soghöy mïrönö anka tïkwïl, anta ato mwowu ngölyonto Tororöt ompö tawu pich akuyenote mötïnyi, kïmökonyïtönye Kristo.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

1 KORINTO 13:1

Kïrkegh angalanan ngala pich anta cho pö malayken amotïngetanye chomnyogh alatan pat kwïrkwïryon nyo chöghöy anta kadöngöt.

1 KORINTO 13:3

Akï kïrkegh kotötan tïkuchu löwïr atötan portanyu kepel, amotïngetanye chomnyogh, kïmenyiwanïnye kïgh.

1 KORINTO 13:8

Mötïngnye chomnyogh söröm. Weröy ropöwo amtagh akuwonyot ropöwo ngölyep cho sis akuweröy ngöghomnyö.

1 KORINTO 14:29

Kïkany pich cho tïng ropöwon nyo netöy ngölyonto Tororöt, opïsï kïngalan cho le odeny anta sömök, kïmi pikö walaka kïtötöpöy ngalechoni kakïmwa.

1 KORINTO 14:39

Kïlenyona nyu, werköcho, mïchinokwa osïkö machat nyo wow nyo omtoy ngölyonto Tororöt, wölo matagha chi kïngalana kutïw cho sis.

1 KORINTO 14:4

Kilöy kegh onkït chi nyo ngölonöy kut nyo sis, wölo kilöy kanisa kïmïkul chi nyo omtoy ngölyonto Tororöt.

1 KORINTO 15:51

Atere ya omwowokwa ngölyonto man nyo wïnyate, melö kïmeghsonecha löwïr, wölo kïwöghökecha löwïr,

1 KORINTO 16:22

Akanya kïchïpö chi anka tïkwïl nyo möchömönye Echotyon! Maranata, nyoni kï, Nyonö Echotyontyenyo!

1 KORINTO 4:1

Nya kuyitecha chi lö kichicha mötwori Kristo akechï komöni wïngut pö Tororöt.

1 KORINTO 7:19

Ompöwölo mökïghnye ato wö chi tum anta möwö, wölo kerïp Kirurut pö Tororöt.

1 KORINTO 8:4

Kïlenyona nyu, ompö paraku amata omisyewut cho kïyenchini körkeyïntin, kinkïtöcha lö, melö körkeyïn ompö ngwïny pö man, akï möminye Tororöt anka kïpoto akonga.

2 KORINTO 12:11

Kalïkwan so sölwö? Wölo akwa choni kochikwanïn, kötömïchinokwa ompö asalanïn. Ompöwölo, kïrkegh kömelö ochan kïgh, wölo melö ochan apteghate tya kïtïl choni okuronekwa, “kiyoktoghï cho echön.”

KALATIA 5:16

Omwoghan nyu lö, opïsinö Mïkulögh kïpaytakwa amarïpa ngat möchut pö por.

KALATIA 5:22

Wölo okin nyo yinu Mïkulögh kï: chomnyogh, ngörekyö, kalya, mïkukönöt, tölosyö, köromnyö, kighanat,

KALATIA 6:3

Ato nonöy chi lö ochï kïgh otini melö kïgh nyinte, kï kalïs kegh nyinte.

EPESO 3:4

nyo ato osomönökwa ngalechete, omukekwa onkïtune wölo kipköchtanïn wïngutyononi pö Kristo kïlïkwï.

EPESO 6:19

asoghwante tïkwïl kïkonanïn Tororöt ngölyon, töto omökan ongölonöy, amukan amwatïta Lökoy cho Karamach cho wïngote ompö nyakanat.

KOLOSAY 1:26

akï nyo kiwïnga nyinte pïnwöy löwïr kïngeta otini le könyisyok, wölo köngongchï ye nyu pikachi.

1 TIMOTEO 3:16

Kimukecha kemwagha lö wow nyoman wïngata nyo pö kighanatenyo nyo kighönöy Tororöt lö, Kurumï nyinte ompö por pö ptangengmöt, keporï Mïkulögh lö pö man, kisïwa malayken nyinte. Kyamta ngalechi kïghomï pipö koros, kughan nyinte pipö ngwïny, akesït kïwö yïm parak ompö ororyö.

1 YOANA 4:8

Akwanka tïkwïl nyo mötïngnye chomnyogh, kïmenkïtnye Tororöt ompöwölo Tororöt kï chomnyogh.