1 KORINTO 13:13 - PIPÏLIA

¹³ Mito ngala sömökï cho ngötu: kighanat, kikönöt nko chomnyogh, wölo nyo wow tya ompö choni kï chomnyogh.

1 KORINTO 13:13 ပူးပေါင်းရင်းမြစ်များ

TUMWÖY 146:5

Ngarakate chi nyo nyorchini kingörokut Tororöt pö Yakopo akukönöy ECHOTYON Tororötïnyi,

TUMWÖY 42:11

Ompö ne tökïsilön söpontönyan le nyï? Kölö ne towongwan le nyï? Okönan Tororöt, osölan nyinte ngat. Sörunintenyan nyinte akï Tororötïnyan.

TUMWÖY 43:5

Ompö ne tökïsilön söpontönyan? Kölö ne towonyan le nyï? Okönan Tororöt, osölan nyinte ngat. Sörunintenyan nyinte akï Tororötïnyan. Ompö kintöghoghinto tumï. Tum pö werpö Kora.

LUKA 10:27

Kïlö chichay, “Lentöy kirurut, ‘Chama Echotyon Tororötïngu ompö mïkulöwungu kïmïkul nko söpontongu kïmïkul nko owesyengu kïmïkul nko ngöghomnyengu kïmïkul, aicham pöröryengu le wölo ichömtonyi kegh?’ ”

LUKA 22:32

Wölo kosowunyi Simon lö tömöwïs kighanatengu. Akwotini kemïlenyi wölo omitan, ichïchim werkökwo.”

RUMI 15:13

Nya kunyïghitakwa Tororöt nyo töni pich kikönöt, ngörekyö nko kalya, kïrïp kegh nko kighanatenkwa, atökïtasa kikönötenkwa ompö owesyo Mïkulögh nyo Tïlil.

1 KORINTO 14:1

Okilö kegh nyoman ayara chomnyogh, akil kegh tonyorunö konutkö walaka cho pö ara mïkulögh, kïmïr tya nyo pö amtaghata ngölyonto Tororöt.

1 KORINTO 16:14

Opöghisyeghenö chomnyogh ompö kïgh anka tïkwïl nyo oghöy.

1 KORINTO 3:14

Ato ghyongtö kïgh nyo kitek chi paraku kitorutyonï, kïsïköy nyinte ropöwon.

1 KORINTO 8:1

Mwowu ye nyu ngala omisyewut cho kakïyenchï körkeyïntin: Kinkïtöcha nyoman lö, “Kïtïngetecha löwïr kinkïtöt,” wölo ighöy pich, “Kinkïtötononi” kïkwolöy kegh, wölo teköy pich chomnyogh.

1 KORINTO 8:3

Wölo ato cham nyinte Tororöt, kunkït Tororöt nyinte.

2 KORINTO 5:10

Ompöwölo kighyongocha löwïr tawu ngacharu Kristo* nyo pö kirwok nyo mötïny atökurwokwecha nyinte. Kirwokyini chi anka tïkwïl kïrïp kegh nko ighisyewutkachi cho kigh ato ki karamach anta ki ghach.

2 KORINTO 5:15

Kimegha nyinte pich löwïr atökumï pich cho söpsot kïtagh kukön söpontöngwa kegh, wölo tökutwayta kegh Yeso nyo kima akututï ompö chane.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

PILIPI 1:9

Osoghan kïtasa chomnyenkwa tya anyorï ngöghomnyö nko pköchin anka tïkwïl

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

KOLOSAY 3:14

Kïtas kegh nko choni, mïchini alaka chomnyogh, ompöwölo nyoni nyo tusot tïkwïn löwïr kïtïpï nyo karam.

1 TESALONIKE 1:3

Kinonecha ompö tawu Tororöt akï Paponyo ighisyenkwa nyo pö kighanat nko pöghisyo chomnyogh nko chïchïmata kikönötenkwa ompö Echotyontenyo Yeso Kristo.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

1 TIMOTEO 1:5

Keröte tamwaghan ngalechete, kï tökumuka angetnget ompö orinkwa chomnyogh nyo ngwïno mïkulögh nyo puryö lelut nko choghïn nyo karam nko kighanat nyo pö man.

2 TIMOTEO 1:7

Ompöwölo meghechanye Mïkulögh nyo Tïlil nyo kikonecha Tororöt kenyökoritunö, wölo konecha owesyö nko chomnyogh nko ripöto kegh.

EPRANIA 10:35

Mopïstö nyakanatengwo ompöwölo tïng ropöwon nyo wow.

EPRANIA 10:39

Wölo melö kichicha pich cho kïmïlisot löt akepotyö, puryö kïtïngetecha kighanat akesörwecha.

EPRANIA 6:11

Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.

EPRANIA 6:19

Lenye kikönötonï nömöwonto söponwecho. Lïtöy kikönötononi ntökurel wölo tïlil ompö Kö pö Tororöt nyo mi yïm.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.

1 YOANA 2:10

Akwanka tïkwïl nyo chömöy tupchenyi kïmi löpoyïn, akï möminye kïgh orinyi nyo kwötöy chitö anka kupïtyï ngokï.

1 YOANA 2:14

Kakirwakwa monïng cho mïnkech ompöwölo konkïtukwa Papo. Kakirwakwa papotïn, ompöwölo onkïtökwa nyinte nyini kimi kïngeta otini le towunöt. Kakirwakwa chumwak, ompöwölo otïngetekwa owesyö akï mi ngölyonto Tororöt orinkwa, akyarïntekwa Mwokïyontonay.

1 YOANA 2:24

Mïchinokwa otönö mïkuliskökwo ngalechoni kyalïmakwa kïngeta otini le tagh. Ato töpï ngalechoni kyalïmakwa orinkwa, kï ochikwa linyote nko Weri nko Papo tïkwïl.

1 YOANA 3:3

Akï chi anka tïkwïl nyo tïng kikönötononi ompö Kristo, kutïlilöy kegh le wölo tïlil nyinte.

1 YOANA 3:9

Meletönye tagh kwigh ngokï chi anka tïkwïl nyo kalïkwï mompö Tororöt, ompöwölo mi orinyi asïl pö Tororöt. Akwompöwölo Kwanta Tororöt, kïmelö letöy tagh kwighöy ngokï.