1 KORINTO 12:2 - PIPÏLIA

² onkïtökwa lö atanye kitomönye kesörwokwa, kikichutokwa opotyenö asaghata körkeyïntin cho le kwïle.

1 KORINTO 12:2 ပူးပေါင်းရင်းမြစ်များ

TUMWÖY 115:5

Tïngeto kutïw, amöngölonöcha tïng konyïn, amösïwïyicha.

TUMWÖY 115:7

Tïngeto ewun, amötötöpöcha kïgh tïng kelyön, amöpestocha. Memuköcha tökïngalan nyonikïny.

TUMWÖY 135:16

Tïngeto kutïw, wölo melö ngölonöy tïng konyïn, wölo melö rosïtoy.

ISAYA 46:7

Syolöy akïkasana puwayikwa kwip, nyini ketïta kutö kötönkenyi kughyongö atoni, amemukönye ntökunaka atoni kakitö. Kïkany kïlö chi osoghöy, kïmemukönye kïter anta sörunö chichoni kömpölelutkachi.

YEREMIA 10:5

Karkegh körkeyïntinekwa choni nko tïkuchay kimugho törit ompö para marakwen. Memuköcha kokay kïngalan, kïsïtotoy ompöwölo memuköcha kïpesta. Maway körkeyïntenechoni, medonekwanye kïgh amöminye köromnyö nyo muköy kwighwekwa.”

MATAYO 15:14

Opïstenökwa! Köryote chane akï kintöghoghi chepkarotin, kïkany kuntöghoghchï chepkarot chi nyo karote, kupïtyini pïrïm chane kwodeny.”

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

KALATIA 4:8

Kimonkïtökwanye Tororöt atanya le tagh, opöghisyechikwa nyu tororötin cho kimelö tororötino man.

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 PETRO 1:18

Ompöwölo onkïtökwa lö, kityakenekwa Tororöt otöp nyo kimerokonye nyo kyosïkekwa papotïnekwo. Amolenchï kegh kikitykenekwa tïkwïn cho wïryot cho lata ropïyen anta koltin,

1 PETRO 4:3

Nya kïmïchï osiswö cho kikuwer cho kyaghakwa tïkwïn cho chömöy kwighöy pich cho menkïtcha Tororöt. Kyomöngisyekwa ompö takalnan nko cheporesnan nko pölö nko pïrchin nyo gha nko chepomunön nko ryakata kumïn nko tamasa nko saghata körkeyïntin nyo lilu.